'''Adven''' sajeroning [[Gréja]] [[Kristen]] iku jeneng periode sadurungé [[Natal]]. Jeneng Adven dijupuk saka tembung [[Latin]] ''Adventus'' singkang tegesé ''Kerawuhan''. Sajeroning mangsa Adven umat Kristen nyiapaké dhiri kanggo nyambut pista Natal lan mèngeti kelairan lan kerawuhan [[Yesus]] singkang kaping loro ing [[akir jaman]]. Adven dinuga wiwit dirayakaké ing kalangan umat Kristen wiwit abad kapapat.<ref>http://www.netglimse.com/holidays/advent/history_of_advent.shtml/</ref>
Adven tansah diwiwiti ing dina [[Minggu]] singkang paling cedhak karo tanggal 30 November (dina St. Andreas) (antara tanggal [[27 November]] lan [[3 Dhésèmber]]) lan lumaku nganti Malem Natal [[24 Dhésèmber]]. Kanthi mangkono dawané mangsa adven saben taun béda-béda, nanging sawijining mangsa adven tansah dumadi saka 4 hari [[Minggu]].
Pendeta utawa pastur racaké nganggo toga (kasula) singkang warna ungu karajan utawa biru karajan ing mangsa-mangsa iki. Akèh gréja uga masang rerangkèn godhong Adven sajeroning misa utawa kebaktian-kebaktian Adven. Karangan godhong iku dumadi saka papat batang lilin (telu ungu lan siji awarna jambon) singkang ditata ing sawijining bynderan awarna ijo singkang nglambangaké kauripan singkang kekal.
