'''Lempung''' utawa '''tanah liat''' iku tembung umum tumrap partikel [[mineral]] mawa krangka dhasar [[silikat]] singkang [[diameter]]é kurang saka 4 [[mikrometer]]. Lempung ngandhut leburan silika lan/utawa [[aluminium]] singkang alus. Unsur-unsur iki, [[silikon]], [[oksigen]], lan [[aluminum]] arupa unsur singkang paling akèh nyusun [[kerak bumi]]. Lempung kadhapur saka prosès pelapukan batuan silika déning [[asam karbonat]] lan sapérangan diasilaké saka aktivitas [[panas bumi]].
Lempung mbentuk gumpalan atos nalika garing lan lèngkèt yèn teles kena [[banyu]]. Sifat iki ditemtokaké déning jinis [[mineral lempung]] singkang ndominasi bahané. Mineral lempung digolongaké adhedhasar susunan lapisan oksida silikon lan oksida aluminium singkang mbentuk kristalé. Golongan 1:1 duwé lapisan siji oksida silikon lan siji oksida aluminium, sauntara iku golongan 2:1 duwé rong lapis golongan oksida silikon lan sak lapis oksida aluminium. Mineral lempung golongan 2:1 duwé sipat elastis singkang kuwat, nyusut nalika garing lan dadi gedhé nalika teles. Amarga perilaku iki sawetara jinis tanah bisa mbentuk kerutan-kerutan utawa "pecah-pecah" yèn wis garing.
