|
[[Gambar:Full chicago skyline.jpg|thumb|right|300px|Foto udara saka pusat kutha Chicago]]
:''Kanggo Chicago minangka grup musik, pirsani: [[Chicago (grup musik)]].''
'''Chicago''' iku kutha gedhé dhéwé ing [[Negara Pérangan AS|praja]] [[Amérika Sarékat]] [[Illinois]], diyasa tanggal [[12 Agustus]] [[1833]]. Misuwur kanggo peternakan lan area indhustriné singkang kasebar, pelabuhané singkang strategis ing Tlaga Gedhé, posisiné minangka pusat jaringan KA paling wigati ing AS pérangan lor, lan semangaté singkang ora mati-mati suwéné Kobongan Gedhé [[1871]]. Uga ditepungi kanthi sastrawan misuwur kaya déné [[Saul Bellow]], [[Gwendolyn Brooks]], [[Carl Sandburg]], lan [[Theodore Dreiser]], sarta arsitèktur kelas donyané singkang diasilaké para master kaya déné [[Frank Lloyd Wright]].
Ukuran Chicago saiki-± 762 mil2 (1.973 km2)-ngrembaka saka pos perdagangan ing kéné déning [[John Kinzie]] taun 1796.
Gedhung sundhul langit singkang dikuwataké déning baja asal saka Chicago. [[Gedhung Asuransi Omah Chicago]] rampung diwangun (1885) lan 9 taun sabanjuré, 21 gedhong diwangun kanthi dhuwur ±12-16 tingkat. Tuwuh dadi kutha misuwur abad 19 amarga panggonan lan posisi wigatiné minangka pusat transportasi, Chicago ditunjuk nyelenggarakaké [[Ekspo Kolumbia Donya 1893]], ngalahaké NYC lan Washington DC.
Sakwéné mangsa pelarangan 1920an, Chicago misuwur amarga para boss organisasi kajahatané kaya déné [[Al Capone]] singkang ngendhalèkaké bisnis lan sok-sok pulitik. Merangi mafia ateges siyap ngadhepi tindak kekerasan, lan pendhudhuké nyeksèkaké kanthi waspada nalika kakejian mundhak, lan puncaké ing manéka prastawa kaya ta [[Pembantaian Dina Valentine 1929]]. Wektu iku, kutha iki nglakoni urip kanthi musik lan warna, ndhelik ing kedai MiRas papan wanita dansa lan dhuwit mili kaya banyu.
Chicago arupa pangkalan sapérangan golongan téater ing Amérika, kalebu ''Kutha Kaloro'' lan [[Institut Seni Chicago]].
Walikuthané akèh singkang narik kawigatèn nasional kaya ta [[Richard J. Daley]] singkang nguwasani pulitik ing Chicago pirang-pirang dekade nganti patiné taun 1976, nuli putrané singkang kuwasa ing dekade sabanjuré.
Diwasa iki arupa kutha ing Amérika singkang dadi lokasi konvènsi, uga wis tuwuh dadi pusat jaringan KA paling wigati ing Illionis Central, Burlington Northern lan Atchison Topeka & Santa Fe. Kaloro singkang karan pungkasan iki nggabungaké operasionalé (1995) dadi sistem KA gedhé dhéwé ing wilahan Kulon. Chicago-minangka jantung dalan KA nasional-iku pusaté. Kutha ing pinggir tlaga iki misuwur ing saindenging Amérika amarga omah, taman, lan pesisiré. Pendhudhuk Chicago gunggungé 2,8 yuta jiwa isih dianggep masarakat paling ’alasan’ lan kréatif ing Amérika.
== Pemandhangan kutha ==
| 