[[Gambar:Taman.jpg|thumb|right|Pekarangan arupa taman.]]
'''Pekarangan''' utawa '''pelataran''' utawa '''latar''' iku aréal [[lemah]] ing saubengé omah, singkang racaké arupa lemah utawa ditanduri [[suket]] utawa diatosaké nganggo semèn utawa bata. Sawetara péranganing pekarangan kerep uga diolah dadi [[taman]] utawa [[kebon]] singkang ditanduri pethètan utawa kembang. Pekarangan uga kerep ditanduri tanduran-tanduran kang migunani, contoné tanduran singkang ngasilaké bahan kanggo gawé panganan kaya ta: [[kaérut]] lan [[ganyong]] ngiras kanggo pager tapel wates pekarangan karo omah. Saliyané iku pekarangan mliginé ing karang padésan biyasa ditanduri [[tanduran obat kulawarga]] utawa kerep dicekak TOGA, minangka ''apotik hidup''. Sing ditandur ing ''apotik hidup'' iki antarané [[tetanduran]] singkang biyasa digawé bumbu lan obat, kaya ta: [[jaé]], [[kencur]], [[temulawak]], [[kunir]], [[blimbing wuluh]] lan sapanunggalané.
Pekarangan singkang cukup jembar uga kerep dadi papan panggonan [[dolanan]] bocah cilik, kaya ta dolanan [[bal-balan]], [[umbul]], [[benthik]], [[pasaran]], [[bedhil-bedhilan]] lan sapanunggalané.
