Areng: Béda antara owahan

'''Areng''' iku [[residu]] ireng isi [[karbon]] ora murni singkang diasilaké kanthi ngilangaké kandhutan banyu lan komponèn [[volatil]] saka [[kéwan]] utawa [[tetanduran]]. Areng lumrahé digawé kanthi manasaké [[kayu]], bathok [[Krambil|klapa]], [[gula]], [[balung]], lan benda liya. Areng saka kayu bisané kagawé saka kayu jati, kayu mlandhing lan kayu liyané. Areng singkang ireng, ènthèng, gampang remuk, lan mèmper [[batu bara]] iki kasusun saka 85% nganti 98% karbon, sisané ya iku [[awu]] utawa benda kimia liyané.

[[Gambar:Charcoal Briquette.JPG|thumb|Watu areng singkang kanggo [[bahan bakar]].]]

Kagunan mliginé areng ya iku kanggo masak. Areng lumrahé migunani kanggo nggawé masakan singkang dipanggang kaya ta [[saté]], utawa masak ing sadhuwuré [[keren]].

Areng iku uga piranti kanggo masak saliyané [[lenga gas]], [[gas elpiji]], kayu obong. Areng iku racaké kanggo masak ing désa-désa singkang arang ana lenga gas lan gas elpiji. Ing sapérangan nagara [[Afrika]], areng dipigunakaké déning sapérangan gedhé [[masarakat]] minangka piranti [[masak]] saben dina. Masak panganan nganggo areng ing njero ruangan duwé risiko mbebayani marang kaséhatan, amarga [[karbon monoksida]] singkang diasilaké.<ref>[http://www.hc-sc.gc.ca/cps-spc/house-domes/fire-feu/detect/index_e.html Smoke Detectors, Carbon Monoxide Detectors, and Charcoal]</ref>

[[Gambar:Charcoal sticks 051907.jpg|thumb|Watang areng singkang medhia [[kagunan rupa]].]]

Areng dipigunakaké sajeroning [[kagunan rupa]] kaya [[potlot]] utawa [[krayon]]. Médhia iki akèh dipigunakaké kanggo gawé skètsa sajeroning ukuran gedhé uawa médhia singkang mbutuhaké [[garis]] [[skètsa]] singkang kuwat, kaya déné [[kanvas]]. Minangka médhia kagunan rupa, charcoal didol ing wangun [[batang]]an.

Areng duwé sipat lembut, ènthèng, ireng, lan uga gampang tugel. Médhia iki banget disenengi déning [[pelukis]] sajeroning gawé sketsa amarga sketsa singkang diasilaké cetha banget, malah uga sajeroning prosès pangecètan.

* Lemah digowaki nganti cukup kanggo ndèlèh kayu-kayu singkang bakalan arep diobong.

* Sawisé, diobong nganti geniné mburap-mburap lan kira-kira kayu iku wis kobong kabèh banjur disirami [[banyu]] kanggo matèni geniné singkang mburap-mburap iku.

* Sawisé kapisah awuné, singkang tilas kobong iku kari kayu singkang wis wiwit gosong nanging durung dadi awu, isih awujud pecahan gosong-gosong.

* Kayu tilas obongan lan gosong iku singkang diarani areng.