Wiwit: Béda antara owahan

'''Upacara Wiwit''' minangka tatacara Jawa singkang diadani saben panèn [[pantun|pari]]. Wiwit wis arang keprungu, nanging déning warga kalurahan [[Ngawen, Ngawen, Blora|Ngawen]], isih diuri-uri. Upacara Wiwit, nèk ning kabupatèn [[Ngawen, Ngawen, Blora|Blora]], amarga upacara methik pari. Panènan pari bisa becik lan orané gumantung marang [[Hyang|Gusti Sing Akarya Jagad]]. Upacara Wiwit iku ing désa siji lan sijiné pancèn béda. Ana singkang ngarani upacara [[labuh]], lan ana singkang mastani nglènggani utawa wiwit. Ning [[Jawa Wétan]] karan '''methik''', wiwit iku kanggoné kadang tani klébu mangsa singkang banget nyenengké, mula perlu nindakaké acara iku.

Acara wiwit iku kapérang dadi loro. Sing sapisan ing papan bulak pari panèn, ditengeri kanthi methik pari mantèn. Sapérangan banjur mboyong pari mantèn menyang omahé singkang duwé pari, singkang duwé pari tumuli mapanaké ing [[lumbung]]. Prastawa singkang iki sinebut mboyong pari mantèn. Sepisanan apa ana gandhèngané karo dina pasaran, [[wong Jawa]] pancèn percaya banget karo pétungan dina pasaran, methik pari kudu milih dina becik liyané.

Bojoné singkang duwé pari, anaké, perané gedhé banget. Jalaran dhèwèké singkang nyiapaké ubarampéné. Ning yèn ana alangan bisa dipasrahké wong liya singkang bisa nggawé sajèn. Sajèné awujud [[jadah]] woran, lintingan bekatul (katul), sega [[sambel]] gèpèng [[kedhelé]] singkang digorèng, kembang borèh, wedhak, abon-abon, kinang, juruh, pulo gimbal pulo gringsing, [[godhong]] pulutan (Urène labato), [[endhog]], rakan (arupa uwi-uwi). Sénthé (Colacasiaesculenata), [[gedhang]] sepet kuku, [[jawawut|jewawut]] (Panicumvirida), tebon, jejali. Jewawut lan tebon digerus alus. Rakan didodok ana ing pajang ilang-kranjang singkang digawé saka janur-sabanjuré tumpeng alus, tumpeng among-among, sega gurih, [[sega liwet]], sega golong giling, [[kupat]] luwar cacahé loro, kupat lepet loro, kupat bucu lima, [[menyan]], klasan, [[kain]] (jarik) anyar, parem, jungkat, pengilon, ani-ani, kinang, jangan menir, godhong kelor, gerèh pèthèk. Barang-barang mau banjur digawa menyang pinggir [[sawah]] singkang arep dipanèn.

Dina singkang becik wis katemtokaké. Yèn tiba dina [[Senèn]] [[Paing]], Senèn neptuné papat lan Paing sanga, gunggungé 13. Amarga pariné mantèn sajodho, gunggungé pari singkang dipethik ana 26 gagang pari. Sawisé ndonga sinambi mbakar menyan tumuli ngani-ani njupuk 26 gagang pari diiket dadi siji. Ya iki singkang jenengé pari mantèn Sri-Sadana. Sawisé iku sajen-sajen singkang ana pajang ilang padha didum mliginé marang bocah singkang mèlu Wiwit. Sawisé iku pari mantèn diboyong nuju [[omah]]é singkang duwé sawah kaya boyongan mantèn. Déné sajèné disèlèh ana lumbung awujud klasa singkang ndhuwuré diwènèhi jarit anyar lan diranti dandan wanita kaya ta wedhak adhem, parem, jungkat, pengilon, kinang, kembang borèh. Kajaba iku uga ana [[jangan menir]], godhong kélor, ani-ani, bekatul lan menyan. Sawisé sajèn cumepak jangkep, pari mantèn saka sawah banjur dilebokaké ana njero lumbung, dadi siji karo pari mantèn. Werdiné sesajen-sesajen mau kaya déné jajan pasar, rakan, utawa uwi-uwian mengku pralambang dina pasaran lan dina pitu wiwit Senen tekan Minggu. [[Windu]] wolu sarta surya rolas (gunggung sasiné). Dadi anggoné nganakaké Wiwit pètungané sawisé [[srengéngé]] lingsir, watara jam 12 munggah.

Pari mantèn kalebu pari singkang suci mula wektu digawa tumuju omah kaya methuk mantèn boyongan. Lan kanggo nindakaké Wiwit pètungané ora kena njupuk dina Jemuwah, iku dinané Wali, lan ing dina iku [[Dèwi Sri]] dèwiné pari nembé saré. Nèk nganti wungu lan duka singkang tuna kadang tani dhéwé.