[[Gambar:Bronchiolar epithelium 3 - SEM.jpg|thumb|250px|right|Asil pangematan nggunakaké ''[[Scanning Electron Microscope]]'' nuduhake silia sel [[epitel]] paru-paru.]]
'''Silium''' (jamak '''Silia''') ya iku organel sel kang duwé fungsi minangka piranti bantu perobahan kang nyolok saka sapérangan [[sel]] kang diametere kira-kira 0,25 μm lan dawane sakiwa-tengené 2 nganti 20 μm sarta biyasanelumrahé ana ing cacah akèh ing lumahing sel.<ref name="Campbell">Campbell NA, Reece JB, Mitchell LG. 2002. Biologi, Edisi Kelima, Jilid I. Jakarta: Erlangga. Hal:130-132, 126 ISBN 979-688-468-2</ref> Silia béda karo flagela (bentuk jamak saka [[flagellum|flagelum]]) kang fungsine lan diamtere pada karo silia, mung baé luwih dawa, ya iku sakiwa-tengené 10 nganti 200 μm.<ref name="Campbell"/><ref name="Haimo">Haimo LT, Rosenbaum JL. 1981.Cilia, flagella, and microtubule. ''J. Cell Biol.'' 91 (3 Pt 2): 125s–130s. doi:10.1083/jcb.91.3.125s. PMID 6459327.</ref> Saliyané iku, cacahé flagela biyasanelumrahé terbatas, mung siji utawa luwih kanggo saben sel.<ref name="Campbell"/> Akèh organisme [[eukariot]] uniseluler kang obah ing banyu kanthi bantuan silia lan flagela.<ref name="Campbell"/> Yèn silia utawa flagela menthang saka sel kang minangka péranganing lapisan jaringan, silia lan flagela iki duwé fungsi kanggo nggerakake lendir kang kasil nyekel kotoran-kotoran cilik supaya metu saka [[paru-paru]].<ref name="Campbell"/>
