Getsemani: Béda antara owahan

'''Getsemani''' ({{lang-el|ΓεσΘημανι}}, ''Gesthēmani'' {{lang-he|גת שמנים}}, [[basa Aram|Aram]] גת שמנא, ''Gat Šmānê'') iku sawijining taman ing sikil [[bukit Zaitun]] ing [[Yerusalem]], [[Israèl]] lan dipercaya minangka papan [[Yésus]] sembayang singkang pungkasan dhéwé sadurungé [[Panyaliban Yesus|kakisas]].

Tembung Gethsemane mijil ing Injil Matius lan Injil Markus abasa Yunani minangka Γεθσημανἱ (Gethsēmani). Tembung iki asalé saka Assyria ܓܕܣܡ (Gaṯ-Šmāne), singkang tegesé “piranti pameres (pangasil) lenga”. {{Ayat|Matius|26|32}} lan {{Ayat|Markus|14|32}} nyebutaké χωρἰον (kho-ree'-on) utawa “panggonan”. Injil {{Ayat|Yohanes|18|1}} nélakaké Yesus mlebu sawijining “taman” κῆπος (kēpos) bebarengan karo murid-murid Dalem.

Adhedhasar Prajanjian Anyar, Taman Getsemani iku papan ing endi Yésus lan murid-murid Dalem asring sowan, singkang nggampangaké [[Yudas Iskariot]] kanggo nemu Yésus nalika [[Panyekelan Yésus|wengi panyekelan Dalem]]. Adhedhasar {{Ayat|Lukas|22|43-44}}, ing kana Yésus banget girisé lan saya ngganter enggoné ndedonga. Riwéné nganti kaya getih tumètès ana ing bumi

Ing saceraké taman iki ana '''Gréja Kabèh Bangsa''' utawa ditepungi uga minangka "Gréja Agony", dibangun ing tilas reruntuhan gréja singkang dileburaké déning pamaréntahan Sassanids ing taun [[614]] M lan gréja ing mangsa “[[Perang Salib]]” dileburaké nalika taun [[1219]]. Cerak karo panggonan iki ana Gréja Ortodoks Rusia singkang jenengé Santa Maria Magdalena kanthi kubah warna emas (Byzantin/gaya Rusia), dibangun déning kakaisaran [[Rusia]] Alexander III kanggo ngéling-éling mendhiang ibuné.