Hartnell lair ing St Pancras, London, Britania Raya, minangka putra ontang-anting Lucy Hartnell, sawijining wanita singkang ora kawin. Dhêwèké ora tau ngerti bapakné sajatiné sapa. William Hartnell nalika cilik luwih akêh diopèni déning kulawarga angkat. Sanadyan mengkéné dhêwêké kerep liburan ing omahé kulawargané ibuné ing Devon. Ing kana William sinau nunggang [[jaran]]. Déné tresnané marang jaran, William tau sinau dadi joki. Nanging taun 1925 dhèwèké mlebu nyambut gawé dadi asistèn panggung sandhiwara.
== Kulawarga ==
William Hartnell omah-omah karo Heather McIntyre saka tanggal 9 Mèi 1929 nganti tilaré. Pasangan iki namung pinaringan anak wadon siji, singkang dijenengaké Heather Anne, lan putu loro. Rondhané, Heather, tilar ing taun 1984. Tunggal-tunggalané biografi saing tau diterbitaké, katulis déning putuné Jessica Carney (jeneng asli Judith), singkang judhulé ''Who's There'', mawa subjudhul ''The life and career of William Hartnell''. Buku iki adhedhasardhedhasar sumber kapisan lan arsip kulawarga Hartnell.
