Dhakon: Béda antara owahan

'''Dhakon''' utawa congklak, iku dolanan singkang nganggo piranti kayu, bisa uga saka tèmbaga, plastik kang luwih sèdhèrhana digambar ing lemah. Ing kana bisa dilègoki pitu, sanga, utawa séwèlas lègokan, lan digawé rong larik, tèrus ing pucuk kiwa tèngèn ana lègokan gèkdhé (lumbung) loro. Saliyané iku, butuh kecik cacahé padha karo legokan mau. Saumpama cacahé 7, tegesé butuh kecik 7x7x2= 98, 9 legokan 9x9x2=162, yèn 11 legokan 11x11x2=242.

Dhakon iku asal saka tèmbung dhaku antukolèh panambang-an. Dhaku tegesé ngakoni yèn barang iku duwéké dèkné. Dadi ing dolanan dhakon iku ancasé kanggo ngakoni yèn barang iku duwèké dhéwé.

Tumrap masarakat Jawa, lan bocah-bocah wadon ing taun 1970-an, dhakon pancen wis ora asing. Dhakon kayu awujud ukiran akèh tinemu ing [[kraton]]. Pancen, dolanan dakon wis dadi favorit tumrap bocah-bocah, mligine ing lingkungan kraton. Éman, déné bocah-bocah saiki wis akèh singkang ora tepung lan kulina dolanan dakon.<ref name="internet">[http://www.tembi.org/ensiklopedi/20090421/index.htm DHAKON]</ref>

# Giliran singkang mlaku dhisik diundhi nganggo [[pingsut]]

# Carané mlaku, singkang oléh giliran milih salah siji lègokan sisih ngarèpé, kècik singkang ning kana dijupuk, tèrus ditibakké siji-siji ning lègokan wiwit sisih tèngèné. Satèrusé lègokan tèngèn diisi, uga lumbung sisih tèngèn. Yén kèciké isih turah, ditèruské mutèr ning lègokan musuhé.

# Yén kècik paling pungkasan èntéké pas ning lègokan singkang kosong, giliran mandheg, ganti musuhe.