Taun Jawa: Béda antara owahan

Amarga miturut pétungan taun Jawa sajeroning sawindu ana telu taun Kabisat, sajeroning 120 taun (15 x 8 taun), taun Kabisat-é ana 15 x 3 = 45. Déné miturut pétungan taun Arab saben 30 taun, taun Kabisat-é ana 11. Sajeroning 120 taun, taun Kabisat-é ana 11 x 4 = 44. Dadi pétungan taun Jawa sajeroning 120 taun, taun Kabisat-é luwih siji saka taun Arab. Supaya pétungan taun Jawa padha karo pétungan taun Arab, saben 15 windu (120 taun), ana taun wuntu Jawa 1 singkang diilangna. Ilangé taun wuntu 1 iku njalari gantiné aksara,ya iku dina pisanan sajeroning windu. Dadi aksara iku gantiné saben 120 taun.

Ing wektu semana singkang lumaku ya iku [[kurup]] Jamngiah. Ing tanggal [[11 Dhésèmber]] [[1749]] kurup iku didadèkaké kurup Kamsiah lan ing tanggal [[28 September]] [[1821]] diowahi manèh dadi kurup Arbangiah. Sanadyan taun Jawa wis dicocogaké karo taun Arab saben 120 taun pisan, nanging tanggalé durung mesthi bebarengan. Amarga, kajaba béda klompoké, taun Kabisat Jawa iku mlakuné ora bebarengan karo taun Kabisat Arab. Kajaba iku ana uga singkang kudu kita élingi, ya iku umur wulan sajeroning taun Je lan Dal. Wiwit taun [[1547]] (kurup Jamngiah) nganti taun [[1674]] (ganti kurup Kamsiah), taun Je durung didadèkaké taun Kabisat, isih dadi taun wastu. Umuré wulan ora ganti-gumanti 30 karo 29 dina, nanging: 30, 30, 29, 29, 29, 29, 30, 29, 30, 29, 30, 30 dina.

Pranata Mangsa iku pamérangan [[mangsa]] miturut adat [[Jawa]]. Pamahaman kang mèmper kaya iki uga dikenal déning suku-suku liyané ing [[Indonésia]] mliginémligi suku [[Sundha]]. Mangsa kang lumaku ing tanah Jawa miturut pamahaman iki dipérang dadi 4 mangsa kang utama ya iku: mangsa udan utawa [[rendheng]], mangsa pancaroba utawa [[marèng]], mangsa garing utawa mangsa [[katiga]] lan mangsa ngadhepi udan utawa mangsa [[labuh]].