Winston Churchill: Béda antara owahan

'''Sir Winston Leonard Spencer Churchill''' ({{lahirmati|[[Oxfordshire]], [[Inggris]]|30|11|1874||24|1|1965}}) punika tokoh pulitik lan pangarang saking Inggris ingkang paling dipuntepangi mianangka [[Perdhana Mentri]] [[Britania Raya]] nalika [[Perang Donya II]]. Peranipun minangka ahli strategi, orator, diplomat lan pulitisi misuwur ndadosaken Churchill salah satunggal saking tokoh paling kagungangadhah prabawa ing [[sajarah donya]]. Nalika taun 1953, Churchil dipunanugrahi [[bebungah Nobel]] ing babagan literarur amargi sumbangan ingkang panjenenganipun paringaken salebetipun buku-buku karanganipun perkawis basa inggris lan sajarah donya.

Nami kuluwarga Churchill ingkang sabeneripun inggih punika Spencer-Churchill (amargi panjenenganipun kagungangadhah gayutan getih kaliyan [[kuluwarga Spencer]]), nanging dipunmilai kaliyan bapanipun, [[Lord Randolph Churchill]], sadaya kuluwarganipun wiwit ngginakaken nami kuluwarga ''Churchill''.

Kadosdéné anak jaler sanèsipun ingkang asalipun saking kelas ingggil ing wekdal punika, mangsa alitipun kathahipun dipuntelasaken ing asrama sekolah. Salah satunggil anekdot ingkang kasebar wiyar inggih punika cariyos nalika Churchill nyerat ujian mlebet dhumateng [[Sekolah Harrow]]. Nalika ujian basa Latin, panjenenganipun namung nyerat titel, naminipun, nomer 1 lan titik. Sanadyan panjenenganipun dipuntampi mlebet, panjenenganipun dipunparingaken ing kelas kanggé murid ingkang boten kagungangadhah prestasi, wulangan dipunkonsentrasikaken dhumateng basa Inggris, babagan wulangan ingkang dipunkuwaosi kanthi becil sanget déning Churchill. Sapunika, saben taun, sekolah Harrow maringi bebungah Churchill (Churchill essay-prize) kanggé karangan ingkang membahas topik ingkang sampun dipuntemtokaken sadèrèngipun déning kepala pérangan basa Inggris.

Hubungan antawisipun Churchill lan bapanipun boten caket, sanadyan makaten panjenenganipun mesthi nggatosaken karir bapanipun. Nalika taun 1816, panjenenganipun mroklamiraken, "Bapa kula punika kanselir kauangan (Chancellor of the Exchequer) lan satunggal dinten samangké, kula ugi bakal nglampahaken perkawis ingkang sami." Panjenenganipun boten kagungangadhah kathah rèncang nalika timur lan perkawis punika tansal dipunéling-éling. Churchill caket sanget kaliyan pangasuhipun, Elizabeth Anne Everest, lan sedhih sanget nalika Elisabeth tilar donya tanggal [[3 Juli]], [[1895]]. Churchill mbayar biaya panguburanipun ing City of London Cemetery and Crematorium.

Prestasinipun ing Harrow boten saé, Churchill asring dipunukum amargi bijinipun ingkang ala lan dipunanggep boten ngupados sinau langkung becik. Prilakunipun ingkang indhepèndhen lan sipatipun ingkang asring mbaléla dados alangan kanggé nyinaoni mata wulangan klasik kados déné [[basa Latin]] lan sajarah [[Yunani]] kuna. Sanadyan makaten panjenenganipun nedahaken bakat agengipun ing mata wulangan sanès, kados déné sajarah, ing pundi panjenenganipun asring pikantuk biji paling saé. Churchill asring dipunanggep, utamaminipun amargi panjenenganipun piyambak kagungangadhah anggepan makaten, gagal kanggé pikantuk prestasi ing sekolah. Nanging panjenenganipun naté kagungangadhah prestasi kanthi dados jawara tetandhingan anggar ing sekolah.