[[Gambar:MCA-Stroke-Brain-Human-2.JPG|thumb|Asil [[otopsi]] utek kang ngalami stroke]]
'''Stroke''' (saka [[basa Inggris]]: '''''stroke''''') iku sawijining kahanankaanan kang dumadi nalika pasokan [[getih]] menyang sawijining pérangan [[utek]] dumadakan kaganggu. Sajeroning jaringan utek, kurangé ilining getéih njalari sarangkèn réaksi [[biokimia]], kang bisa ngrusak utawa matèkaké [[neuron|sel-sel saraf ing utek]]. Patiné jaringan utek bisa njalari ilangé fungsi kang dikendhalèkaké déning jaringan iku. Stroke iku jalaran [[pati]] kang katelu ing [[Amérika Sarékat]] lan akèh nagara indhustri ing [[Éropah]] (Jauch, 2005). Yèn bisa dislametaké, sok-sok panandhang ngalami kalumpuhan ing anggota awaké, ilangé sapérangan pepéling utawa ora/kurang bisa omong. Sapérangan taun ing wuri iki tansaya populèr istilah ''serangan utek''. Istilah iki pepadhan karo istilah kang wis ditepungi wiyar, "serangan jantung".
Stroke dumadi amarga cawang pambuluh getih kacandhet déning [[emboli]]. Emboli bisa arupa [[kolesterol]] utawa [[udara]].
