'''Tulip''' (''Tulipa'') arupawujud jeneng génus kanggo 100 spésies [[tetuwuhan ngembang]] sing kalebu sajeroning kulawarga [[Liliaceae]]. Tulip asalé saka Asia Tengah, tuwuh alasan ing kawasan [[pagunungan]] Pamir lan pagunungan Hindu Kush lan [[stepa]] ing [[Kazakhstan]]. [[Walanda|Nagari Walanda]] misuwur minangka nagari kembang tulip. Tulip uga arupawujud kembang nasional [[Iran]] lan [[Turki]].
Tulip arupawujud [[tuwuhan taunan]] mawa umbi sing dhuwuré watara 10–70 cm, godhongé lapis lilin, wangun ciut dawa warna ijo rada biru, lan ukuran kembangé gedhé kapérang saka 6 lèr godhong makutha. Tulip asil silangan ngasilaké kembang warna tunggal, [[abang]], [[oranye]], [[kuning]], [[ijo]], [[biru]], [[ungu]], utawa manéka macem kombinasi lan gradhasi warna. Tulip ngasilaké wiji-wiji wangun bunder gèpèng sing diwungkus kapsul garing.
Kayadéné kembang [[mawar]], [[lili]], [[anggrèk]] lan [[peony]], tulip iku tetuwuhan ngembang sing paling akèh dibudidayakaké manungsa.