Lesung: Béda antara owahan

'''Lesung''' ya iku piranti tradhisional kanggo ngolah [[pari]] utawa gabah supaya dadi [[beras]]. Mupangaté piranti iku kanggo misahaké kulit gabah (berambut) saka pari, ya iku carané kanthi ditutu utawa didheplok alon-alon. Gabah kang diolah dilebokaké ing pérangan sing bolong. Lesung racaké didèlèh ing [[pawon]]. Lesung iku sabeneré mung arupawujud wadhah kang cekung, racaké digawé saka kayu [[jati]] kang gedhé lan dibolongi pérangan tengah utawa dibuwang pérangan tengahé (digrowongi) nganti jero. Pari utawa gabah di tutu (didheplok) nganggo [[alu]], cagak utawa tongkat sing digawé saka kayu, bola-bali lan [[beras]] banjur bisa pisah saka sekam (berambut).

Lesung uga bisa dadi piranti kanggo ngetokaké suara kang pénak dirungu ya iku arupawujud kothèkan. Nalika nutu bebarengan, wong padésan nuthuk aluné nganggo irama lan senggakan kaya déné nabuh tetabuhan dadi banjur ngasilaké swara sing harmoni kanggo nambah semangat nyambutgawé.