'''JFX Hoery''' lair ing [[Pacitan]], [[17 Agustus]] [[1945]]. Dhèwèké sawijining juru nulis [[sastra Jawa Modern]]. JFX Hoery wiwit nulis nalika isih SMP ing Majalah Taman Putra, [[kalawarta Basa Jawa|kalawarta basa jawa]] kang kababar déning kalawarti [[Panjebar Semangat]]. Tulisane kasebar ing sadengah kalawarta kang arupawujud [[Carita Cekak|cerkak]], [[Carita Sambung|cerbung]], [[geguritan]], carita rakyat, reportase, lan esai. Penulis iki naté dadi [[wartawan]] ing [[Jaka Lodhang]], [[Kumandang]], [[Mekarsari]], [[Damarjati]]. Nate dadi anggota DPRD [[Bojonegoro]] mangsa bhakti 1999-2004, staf Komsos [[Keuskupan]] [[Surabaya]], Ketua Sanggar Sastra [[Pamarsudi Sastra Jawi Bojonegoro]] ([[PSJB]]). Sajatiné, dhèwèké lulusan STM jurusan Mesin, nanging yèn urusan nulis wis punjul 100 cerkak lan 300-an geguritan. Ana kalane yèn nulis nganggo jeneng sesinglon (samaran) ''Cantrik Gunung Limo'' lan ''Retna Yudhowati''. Kajaba nulis nganggo [[basa Jawa]], dhèwèké uga nulis nganggo [[basa Indonésia]] lan naté dadi wartawan ing [[Kedaulatan Rakyat]] lan [[Bernas]].