'''Wikipedia''' iku bauwarna (ènsiklopedhia) kanthi isi tinarbuka ''online'' ing jagad maya kang ngutamaaké gotong royong. Sapa waé éntuk nambahi, ngowahi, lan nyunting. Panjenengan kudu migatèaké yèn artikel sing ana ing kéné durung ditliti-priksa dèning wong-wong sing kawogan utawa para pakar kang pinercaya supaya apa sing kapacak ing kéné bisa lengkap, akurat, lan pinercaya.
Ananging, prakara iki uga ora ndadéaké Wikipedia kurang bisa digunaaké kanggo ngangsu kawruh. Para sukarélawan sing aktif ing kéné nyoba supaya Wikipedia bisa pinercaya. Ananging, bisa waé informasi sing ana ing kéné diowahi utawa dirusak déning wong-wong sing iseng.
===Penyangkalan===
Artikel-artikel kang tinulis ing Wikipedia iku urun rembugé para penulisé dhéwé. Wikipédia ora mènèhi jaminan marang isiné.
