'''Muna Masyari''' yaiku salah sawijining ''penjahit'' saka [[Madura]], Jawa Wétan. Muna lair ing wewengkon Kabupaten Pamekasan, Madura 26 Desember 1985.<ref>{{Cite web|url=https://kompas.id/kategori/tokoh|title=Sastra di Antara Deru Mesin Jahit|last=Suwarna|first=Budi|date=2018-07-28|website=|archive-url=|archive-date=|dead-url=|access-date=}}</ref> Muna Masyari uga kaloka awit karya sastrané awujud cerpen. Cerpen kang wis kasil kababar dening Muna yaiku Celurit Warisan. Cerpen karyané Muna akeh kang ngèmot bab kearifan lokal dhaérah asale yaiku Madura.
== Babad Urip ==
Muna Masyari (Munawaroh) lair ing wewengkon Kabupaten Pamekasan, Madura, Jawa WetanWétan 26 Desember 1985 . Kawit cilik dhèwèké wis biasa ngrungokaké crita bab apa wae saka simbahé. Muna naté sékolah ing Sékolah Dasar Negeri Plakpak V. Muna banjur mbacutaké pawiyatan ing MTs Miftahul Ulum. Sawisé lulus saka pawiyatan MTs Miftahul Ulum, Muna kepéngin mbacutake SMA, ananging kahanan kaluwargané ora bisa ngragadi Muna. Muna banjur mèlu kursus jahit, katrampilan kang bisa dikuasai déning dhèwèké.
Saiki Munawaroh, jeneng asli Muna nalika lair wis balé wisma karo M Khotib. Muna lan Khotib saiki milih urip ing Pamekasan, Madura. Muna sadina-dina nampa pesenan jaitan saka tangga teparo, malah kadhang sok saka njaba kabupaten barang. Ing sela-selane njait, Muna uga tetep produktif gawe tulisan. Amarga kawit 2011 Muna pancèn wis seneng maca karya-karya sastra. Muna uga duwé pepinginan bisa dadi penulis kang misuwur.
