Praja Cihna: Béda antara owahan
Konten dihapus Konten ditambahkan
Kaca anyar: '''Praja Cihna''' inggih menika lambang resmi Kasultanan utawi Karaton Ngayogyakarta Hadiningrat. Praja Cihna menika dipunagem wonten ing layang resmi ingkang dipunwedalaken Karaton u... |
Tanpa ringkesan besutan |
||
Larik 1:
'''Praja Cihna''' inggih menika lambang resmi Kasultanan utawi [[Karaton Ngayogyakarta Hadiningrat]]. Praja Cihna menika dipunagem wonten ing layang resmi ingkang dipunwedalaken Karaton utawi wonten bangunan gadhahanipun [[Karaton Ngayogyakarta Hadiningrat]].
== Sejarah ==
Nalika bangsa Walandi taksih gadhah kuwasa ing tlatah Ngayogyakarta mliginipun ing Hindia Belanda, lambang Karaton Ngayogyakarta taksih awujud mahkota Kerajaan Belanda. Mahkota menika dipunginakaken wiwit jaman Sultan Hamengkubuwana I dumugi Sultan Hamengkubuwana VII. Lambang awujud mahkota menika dados unsur hias saha dumunung wonten pérabot-pérabot gadhahanipun Keraton. Menawi dipuntingali kanthi tliti, lambang Keraton saderengipun jaman Hamengkubuwana VIII kados lambang bangsa Walandi. Wonten kéwan arupi singa ing sakiwa tengenipun makutha dados pralambang bilih Keraton Ngayogyakarta taksih wonten hubungan kaliyan bangsa Walandi.
Wiwit warsa 1921 utawi jaman Sultan Hamengjubuwana VIII, wonten pamanggih supados Keraton damel lambangipun piyambak. Lambang menika kedah dados pralambang saha gegayuhaning warga Ngayogyakarta. Lambang Keraton Ngayogyakarta lajeng dipungantos, sampun boten awujud makutha kados lambang bangsa Walandi. Lambang resmi Keraton Ngayogyakarta lajeng kaparingan asma Praja Cihna. Praja Cihna menika dipundamel déning Kanjeng Sultan Hamengkubuwana VIII kaliyan mantu dalem ingkang asma KRT Yasadipura<ref>{{Cite web|url=https://blog.ullensentalu.com/lambang-kraton-yogyakarta/|title=Lambang Kraton Yogyakarta|last=admin|date=2015-09-02|website=Ullen Sentalu|language=en-US|access-date=2019-11-13}}</ref>.
== Pérangan ==
Praja Cihna dipunagem dados hiasan wonten bangunan ing lebet Keraton punapa déné bangunan Kagungan Dalem. Kajawi punika, Praja Cihna uga dipunginakaken dados kop resmi layang saking Keraton Ngayogyakarta saha medali penghargaan. Pérangan wonten ing Praja Cihna ing antawisipun :
=== Songkok ===
Makutha utawi samubarang ingkang kagem panutup mustaka paring pituduh bilih Raja menika gadhah watak kados dene satriya.
=== Sumping ===
Sumping menika sesupé ingkang dipunagem wonten talingan. Wondéné giwang wujudipun kados sekar srengéngé ingkang dados pralambang kagesangan. Ron Kluwih dados pralambang kaluwihan. Saha Makara dados pralambang kaslametanipun Keraton.
=== Praba ===
Praba utawi cloroting cahya dados pralambang pribadhi ingkang saged damel luhuring ajinipun Jawa Mataram.
=== Lar ===
Lar awujud swiwinipun peksi menika dados pralampita gegayuhan ingkang badhe dipungayuh sanginggiling angkasa.
=== Tamèng ===
Tamang utawi Tameng inggih menika salah sawijining gada ingkang dipunagem nalika perang. Warni abrit dados pralampita kawantunan tanpa nilaraken kawaspadan kagem mbela gegayuhan kang leres.
=== Seratan Ha Ba ===
Aksara Jawa ‘Ha’ lan ‘Ba’ minangka pralampita Kanjeng Sultan ingkang nembe jumeneng wonten Keraton Ngayogyakarta Hadiningrat. Hamengkubuwana menika minangka simboling pangajab bilih Kanjeng Sultan sageda tansah paring pangayoman, kamakmuran, katentreman warga Ngayogyakarta. Wondéné warni jené dados pralampita raos ingkang agung.
=== Kembang utawa Sekar Padma ===
Sekar Padma ingkang dumunung wonten sanginggilipun toya dados pralampita bilih panggesangan wonten alam donya menika dados dhasar anggenipun samangke gesang ing alam akhérat.
=== Sulur ===
Sulur menika dados pralampita bilih panggesangan samangké badhe lumampah kanthi kalajengan kados gesangipun tanduran sulur ingkang mrambat.
== Cihnaning Pribadhi ==
Kejawi Praja Cihna, Keraton Kasultanan Ngayogyakarta Hadiningrat uga gadhah Cihnaning Pribadhi. Cihnaning Pribadhi inggih menika lambang pribadhi gadhahanipun Kanjeng Sultan ingkang nembe jumenéng. Wujudipun Cihnaning Pribadhi menika sami kaliyan Praja Cihna, ingkang damel bènten namung aksara Murda wonten ing sangandhapipun Lar. Aksara Murda menika paring pituduh Kanjeng Sultan ingkang nembé jumeneng. Cihnaning Pribadhi menika saged dipuntingali wonten perabot-perabot Kagungan Dalem, utawi dipuntingali wonten layang undhangan pawiwahan ageng para putra-putri Dalem<ref>{{Cite web|url=https://www.kratonjogja.id/lambang|title=Lambang {{!}} Karaton Ngayogyakarta Hadiningrat - Kraton Jogja|website=www.kratonjogja.id|access-date=2019-11-13}}</ref>.
Nalika warsa 2018, Gusti Kanjeng Ratu Hayu minangka putra dalem Sultan Hamengkubuwana X ingkang kaping sekawan paring pangandikan babagan Cihnaning Pribadhi lumantar jagad Twitter. Panjenenganipun ngandharaken bilih Cihnaning Pribadhi menika sajaosipun boten pareng dipunagem kaliyan tiyang sasanèsipun Sultan ingkang jumeneng nata. Gusti Hayu ngendika dhumateng sedaya prodhusèn kaos utawi cinderamata supados ningali malih dagangan ingkang dipunsadé. Gusti Hayu ugi nyuwun tulung dhumateng sinten kémawon ingkang nyadé Cihnaning Pribadhi supados boten dipunowahi manut seléraning piyambak-piyambak. Supados agung saha ajinipun lambang Praja Cihna utawi Cihnaning Pribadhi menika saged tansah lestantun<ref>{{Cite web|url=https://www.cnnindonesia.com/gaya-hidup/20180702182648-277-310874/putri-sultan-hb-x-kritik-pemakaian-logo-keraton-di-kaus|title=Putri Sultan HB X Kritik Pemakaian Logo Keraton di Kaus|last=Ratnasari|first=Elise Dwi|website=gaya hidup|language=en|access-date=2019-11-13}}</ref>.
== Rèferènsi ==
<references responsive="" />
| |||