Tekané Shaqiri saka [[Stoke City]] ing mangsa ketiga [[2018]] nambahi kadigdayan garis ngarep Liverpool jalaran saya akèh pamain kang bisa dipilih kanggo formasi tim. Malah nalika tetandhingan ''pramusim'' lumawan [[Manchester United F.C.|Manchèstér United]] ing [[Michigan]], [[Amérikah Sarékat|Amérika Sarékat]] Shaqiri nyithak gol kanthi cara salto,debut kasebut gwégawé mareming juru latih [[Jürgen Klopp]] lan para pandhemen Liverpool. Shaqiri main dadi pamain pangganti ing telung tetandhingan sadurungé main 90 menit ing stadhion [[Saint Marry]] kandhang [[Southampton F.C.|Southampton]] ing [[Liga Primer Inggris|Liga Primèr Inggris]] tanggal 22 [[Sèptèmber]] 2018. Pamain nomer 23 kasebut mènèhi sumbangan kanggo kacithaké loro gol Liverpool sadurungé diganti ing babak sepisan jalaran kabutuhan taktis, Liverpool menang 3-0. Dhèwèké kasil ngegolke gol sepisané sewulan candhaké ana terusan Liga Primèr Inggris nalika lumawan [[Cardiff City]] ing stadhion [[Anfield]],Liverpool menang 4-1. Shaqiri tinepung minangka peparab pamain ''super sub'' yaiku pamain bisa kang awèh sumbangan nalika mlebu saka bangku pamain (cadhangan), buktin;ebuktiné ing tetandhingan lumawan Mancèstér United dhèwèké mlebu ing menit 70, telung menit sabanjuré tendhangan sikil tengan Shaqiri saka jaban kothak kasil mbobol gawang [[David de Gea]] sadurungé nyithak gol manèh sangan menit candhaké. Ing semifinal [[Liga Champions UEFA|Liga Champions]] 2019 tetandhingan kapindho lumawan [[FC Barcelona|FC Barcélona]], tilas pamain [[Bayern Muenchen|Bayern München]] kasebut mungkasi mangsa 2019 kanthi juwara Liga Champions sawisé ngatasi [[Tottenham Hotspur F.C.|Tottenham Hotspur]] ing final [[Madrid]].<ref>{{Cite web|url=https://www.liverpoolfc.com/team/first-team/player/xherdan-shaqiri|title=Pamain Tim Utama Xherdan Shaqiri (Saka Basa Inggris)|last=Liverpool FC|first=Admin|date=|website=Liverpool FC|archive-url=|archive-date=|dead-url=|access-date=2020-05-21}}</ref>
