Tahu kecing: Béda antara owahan

'''Tahu kecing''' ꦠꦲꦸ​ꦏꦺꦕꦶꦁ​​​ ​​​​​u​​​ta​​​wa ''stinky tofu'' (basa Inggris) ing basa [[Cina]] dijenengaké ''“chou dou fu“'', 臭豆腐.<ref>{{Cite news|url=https://www.taiwanese-secrets.com/taiwan-stinky-tofu/|title=Taiwan Stinky Tofu, The ultimate street food to challenge your taste buds!|last=|first=|date=|work=Taiwanese Secrets Travel dan Living Guide.com|access-date=2019-05-12|archive-url=|archive-date=|dead-url=}}</ref> ''Stinky tofu'' yaiku [[tahu]] [[Fermèntasi|fermentasi]], sing duwe ambu kecing utawa ora énak, tajem, kayadené ambu kaos kaki sing ora tau diumbah utawa kèju biru. Tahu iki dijengaké tahu mambu utawa tahu bosok amarga ambuné, malah amarga saking mambuné, ana sing nyebut tahu iki ''baby poo'' utawa eek bayi. Stinky tofu duwe ''tèkstur'' sing enteng lan dadi cemilan, ing jero tahu iki rasané alus lan njabane garing kempripik, uga warnané luwih peteng saka tahu gorèng biasané. Nanging panganan iki dadi panganan sing disenengi wong akèh ing negara kayadéné [[Hong Kong]], [[Taiwan]] lan Cina.<ref>{{Cite news|url=https://food.detik.com/info-kuliner/d-1822386/chou-doufu-menyengat-baunya-dan-lezat|title=Chou Doufu, Menyengat Baunya dan Lezat!|last=Odi|first=|date=2012-01-23|work=Detik Food.com|access-date=2019-05--14|archive-url=|archive-date=|dead-url=}}</ref> Saya mambu tahuné saya énak rasané. Tahu iki biasané didadèkaké jajanan sing didol ing toko pinggir dalan. Tahu kecing iki ora bisa didol ana ing restoran amarga mambu banget lan mung kalebu jajanan dudu panganan sing biasané dipangan karo sega utawa panganan pokok padinan. Tahu mambu iki wis kaya jajanan khas Taiwan kang ora bisa adoh saka masyarakaté.

 

Dasaré tahu mau ora ana rasané lan ora mambu babar blas. Kanggo ngawé ''stinky tofu'', tahu difermentasiaké kanggo banyu uyah lan campuran bahan liané, banjur dilebokaké ana ing njero kwali. Tahu mau dikum enem wulan suwéné ana ing njero kwali kui mau. Sabaré tahu dibilas lan dinengaké sawengi ing njero lemari és sadurungé diolah nganggo manèka warna cara. Saliyané cara kui mau, uga ana sing ngandharaké menawa tahu kecing iki, digawe nganggo cara dikum banyu susu. Tahu sing ijik anyar dikum ana ing banyu susu, lan ditambahi daging utawa sayur-sayuran (akeh jenisé lan biasané dirahasiaaké karo sing ngawé) tahu sing kaya megkono mau karo masyarakat dijenengake tahu kèju biru. Tahu iki bisa disajèkaké kanthi cara dibakar, digodhog, digorèng, dikukus utawa digorèng garing. Saben sacara ngolah duwé ambu, rasa, bentuk lan warna sing béda-béda. Tahu sing diolah nganggo cara dibakar, tahu kui mau dilebokaké ana ing njero pring sing njeroné diwènèhi sunduk. Jajanan iki ambuné nyegrak banget nanging yèn dicakot, tahuné empuk lan kaya ana rasa susu ing tengahé lan saos thokolan pedes ing sanduwuré tahu pas banget rasané kanggo nambah énaké tahu.<ref>{{Cite news|url=http://www.bbc.com/travel/story/20130123-a-taiwanese-stinky-tofu-tour|title=A Taiwanese Stingky Tofu Tour|last=Kelly|first=Robert|date=2013-01-24|work=BBC.com|access-date=2019-05-12|archive-url=|archive-date=|dead-url=}}</ref>

== Cara Mangan Tahu Kecing ==

== Regané Tahu Kecing ==

Rega tahu iki murah banget ''box'' (pakètan sakothak) sing isine 5 utawa 6 tahu diregani 35 nganti 50NT$ utawa Rp.16.177 nganti Rp.23.111 saben ''sabox''. Nanging, tahu sing digodhog diregani 60 nganti 70NT$ utawa yèn dirupiahké dadi Rp.27.733 nganti Rp. 32.355 sak mangkoké.