[[Gambar:Hollywood boulevard from kodak theatre.jpg|250px|thumb|Hollywood]]
'''Los Angeles''' (/lɒs ˈændʒələs/ loss-AN-jə-ləs; basa Spanyol: [los ˈaŋxeles], kaserat Los Ángeles; pangandikanipun Britania /lɒs ˈændʒəliːz/ loss-AN-jə-leez) inggih punika salah satunggaling kutha ingkang cacah pendudukipun 3.792.621 jiwa miturut Sensus Amérika serikat nalika taun 2010, kutha punika manggèn wonten ing saperanganipun [[California]], kutha punika minangka kutha ingkang padet utawi rame urutan nomer kalih wonten ing Amérikah Sarékat, sabibaripun kutha [[New York]]. Wiyaripun kutha punika dumugi 46.867 mil2 utawi 121.385.0 kilo mèter, manggèn wonten ing sisih leripun California. Kutha punika misuwur kanthi aran inisialipun L.A. Los Angeles ugi minangka kutha krajanipun Los Angeles. kutha punika ugi kalebet kutha ingkang kathah manéka warni ethnis utawi kasil budhayanipun wonten ing Amérikah Sarékat. Penduduk ingkang manggèn wonten ing Los ANgeles kasebat "Angelenos".<ref name="internet 1">[http://www.lacounty.info/wps/portal/lac](dipunundhuh tanggal 26 Oktober 2012)</ref>
== Sajarah Los Angeles ==
Los Angeles kamadhegaken tanggal 4 september 1781 déning gubernur Spanyol Felipe de Neve. Kuhta punika dados saperanganipun [[Meksiko]] wonten ing taun 1821. taun 1848, wonten ing pungkasaning perang Meksiko-Amérikah Sarékat, Los ANgeles lan sadaya kawasan California dipunpundhut lan dipundadosaken peranganipun Traktat Guadalupe Hidalgo, satemah kutha punika dados saperanganipun Amérikah Sarékat.
Los Angeles inggih punika pusatipun donya bisnis, perdagangan internasional, hiburan, budaya, médhia, mode, ngèlmu kawruh, ulah raga, teknologi, kaliyan pendidikan terdepan. Kutha punika misuwur kanthi kutha ingkang paling sugih urutan kaping tiga wonten ing donya. Kutha punika ugi kaaran"Kutha krajan Hiburan Dunia" amargi bsinis Hollywood, ingkang mandhégani pandamelanipun produksi televisi, video game, kaliyan musik rekaman kelas donya. Amargi punika andadosaken kathah aktris utawi selebriti ingkang milih menetap gesang wonten ing kutha punika. Kajawi punika, Los ANgeles ugi naté madhegaken acara Olimpiade Mangsa Panas taun 1932 kaliyan 1984.<ref name="internet 2">[http://www.tripadvisor.com/Tourism-g32655-Los_Angeles_California-Vacations.html](dipunundhuh tanggal 26 Oktober 2012)</ref>
