[[Gambar:Leaf detail.jpg|thumb|right|250px|Godhong tuwuhan herba duwé kutikula kanggo ngrendhetake kelangane banyu]]
'''Kutikula tuwuhan''' ya iku lapisan palindungpangreksa ing sekabehing sistem tajuk (pérangan tuwuhan kang ana ing dhuwur lemah) [[tuwuhan]] [[herba]] kang duwé fungsi kanggo ngrendhetake kelangane banyu saka [[godhong]], [[watang]], [[kembang]], [[woh]], lan [[wiji]].<ref name="Salisbury">Salisbury FB, Ross CW. 1995. Fisiologi Tumbuhan, Jilid 2. penerjemah: Lukman DR, Sumaryono. Bandung:Penerbit ITB. Hal:139-140. ISBN 979-8591-27-5</ref> Tanpa lapisan pelindung iki, [[transpirasi]] (ilange uwab [[bany]]u lumantar lumahing tuwuhan) ing meh kabèh tuwuhan kalaksanan kanti cepat banget saéngga tuwuhan bakal mati.<ref name="Salisbury"/> Kutikula minangka perlindungan marang pirang-pirang [[patogen]] tuwuhan lan marang karusakan cilik mekanis.<ref name="Salisbury"/><ref name="Kolattukudy">Kolattukudy PE. 1987. Lipid-derived defensive polymers and waxes and their role in plant-microbe interaction. dalam Stumpf (editor). ''The Metbolism, Structure and Function of Plant Lipids''. New York & London:Plenum Press. Hal:291-314.</ref> Kutikula uga wigati ing pertanian amarga sipate kang nolak bisa digunakaké ing pirang-pirang semprotan kang ngandhut [[fungisida]], [[herbisida]], [[insektisida]], utawa [[zat pengatur urip]].<ref name="Salisbury"/> Amarga sipat [[hidrofobik]] (nolak banyu) kutikula, akèh-akèhé formulasi semprotan ngandhut [[deterjen]] kanggo mudhunake tegangan lumahing banyu saéngga butir semprotan nyebar ing lumahing godhong.<ref name="Salisbury"/>
Akeh-akèhé kutikula kasusun saka campuran pirang-pirang macem komponèn kang sinebut [[kutin]] déné sisané ngandhut [[lilin]] lapisan panutup lan [[polisakarida]] [[pektin]] kang nemplek ing [[dinding sel]]].<ref name="Salisbury"/> Kutin minangka polimer heterogen kang kasusun saka mligi pirang-pirang kombinasi anggota rong golongan asem lemak, kang siji duwé 16 [[karbon]]] lan kang sijiné duwé 18 karbon.<ref name="Salisbury"/> Lilin kutikula ngemot [[hidrokarbon]] rante dawa kang uga duwé sithik [[oksigèn]].<ref name="Salisbury"/> Akèh lilin kang ngandhut asem lemak rante dawa teresterifikasi kanthi alkohol monohidrat rante dawa, nanging lilin uga ngandhut [[alkohol]], [[aldehida]], lan [[keton]] rante dawa bébas.<ref name="Salisbury"/>
