Lungguh: Béda antara owahan

Lungguh uga bisa disewakake pada tuwan-tuwan Eropa lan wong Cina kanggo gawe perkebunan (Walanda: ''onderneming'' utawa ''cultuur''. Akeh ''apanagehouder'' kang nyewakake lungguh amarga bekti (Inggris: ''hommage'') lan pajege luwih gede. Para tuwan Eropa iki diarani bekel putih. Ing hukum adat Angger Sedasa kang kababar 1818, lungguh kena disewakake maksimal 6 taun.<ref>''Angger Sedasa'', prakara kaping 2</ref> Ing 1823 lungguh mung bisa disewa maksimal 3 taun dening tuwan-tuwan Eropa.<ref>''Staatsblad van Nederlandsch Indie'' 1823 no. 17</ref> Jangka suwene nyewakake lungguh tambah nganti 20 taun ing 1857.<ref>''Staatsblad'' ''van Nederlandsch Indie'' 1857 no. 166</ref> Kabeh narakarya kang ana ing lungguh kena kerja wajib (Walanda: ''cultuurdienst'') ing perkebunan saka nandur nganti ngangkut hasil perkebunan.

 

Sistem lungguh iki kerep dikritik dening sosialis kaya Pieter Brooshooft lan Van Kol amarga eksploitatif lan ora efisien. Pieter Brooshooft nyebut sistem lungguh iku marakake “penyakit kronis”.<ref name="ReferenceA"/> Van Kol nyebut sistem lungguh iku administrasine ora jelas, marakake akeh kabelingan.<ref>Van Kol & J. J. Samuel, ''Reisbrieven van H. Van Kol: de reorganisatie der Vorstenlanden en Vorstenlandsche toestanden naar aanleiding van Reisbrieven des heeren Van Kol, door J. J. S,'' (Djocja: Jogjasche Landhuurders Vereniging, 1911), hlm. 13-14.</ref> Paling pungkasan, A. Simon nyebut sistem lungguh dadi panyebab mlarate rakyat ing Vorstenlanden.