Asma asli Sri Sultan Hamengkubuwana V ya ikuyaiku '''Gusti Radèn Mas Gathot Menol''', putra kaping enem Hamengkubuwana IV kang lair tanggal 24 Januari 1820 saka pramèswari '''Gusti Kangjeng Ratu Kencana'''. Nalika rumaja panjenengané wus antuk gelar Pangéran Mangkubumi. Panjenengané uga antuk pangkat Létnan Kolonèl taun 1839 lan pangkat Kolonèl taun 1847 saka pamaréntah Hindhia Walanda. Jumeneng natané diwiwiti taun 1823 kamangka lairé nalika taun 1820, mula Sultan Hamengkubuwana V miwiti jumeneng natané awit umur 3 taun.
Hamengkubuwana V nyerakaké sesambungan antarané Kraton Ngayogyakarta lan pamaréntahan Hindhia Walanda kang kebawah Krajan Walanda, murih nindakaké taktik perang pasif, ya ikuyaiku panjenengané ngadhemaké gègèran klawan tanpa ana wutahing getih. Sri Sultan Hamengkubuwana V kepéngin sesambungan antarané kraton lan pamaréntah Walanda bisa padha-padha mbathèni, saéngga bisa mujudaké ayem tentreming masarakat ing tlatah Ngayogyakarta.
