Universitas Hong Kong: Béda antara owahan

Konten dihapus Konten ditambahkan
Sam Hidayat (parembugan | pasumbang)
Tanpa ringkesan besutan
Sam Hidayat (parembugan | pasumbang)
Tanpa ringkesan besutan
Larik 4:
 
== Sajarah ==
Universitas Hong Kong wiwit diyasa taun 1911. Gubernur [[Sir Frederick Lugard]] wis ngusulaké kanggo ngadegaké sawijining [[universitas]] ing Hong Kong amrih bisa saingan kalawan [[daya gedhé]] liya kang mbukak [[pawiyatan luhur]] ing Cina, utamané [[Prusia]] kang nembé mbukak [[Universitas Tongji]] ing [[Shanghai]]. Wirausahawan [[Indhi]] aran [[Hormusjee Naorojee Mody]] nyinau rancanané Lugard lan njanjèni bakal nyumbangaké HK$150.000 kanggo béya pambangunan lan HK$30.000 kanggo béya liyané. Pamaréntah Hong Kong lan wirausahawan ing Cina kidul, kekaroné padha semangat kanggo nyinaoni "resiyaning suksès cara Éropa" (adhedhasar marang majuning téknologi kang digawé wiwit jama [[Révolusi indhustri|Révolusi Indhustri]]) lan uga mènèhi panyengkuyung. Pamaréntah mènèhi papan ing [[West Point]]; [[Swire Group]] uga mènèhi sokongan dana £40,000 kanggo nyengkuyung babagan tèknik lan éwonan [[Dolar AS|dolar]] kanggo pirantiné. Ancasé ora liya amrih ngundhakaké citraning kumpeni sawisé matiné salah siji panumpang kapal Fatshan. Bebarengan karo para panyokong liya, kalebu pamaréntah [[Inggris]] lan kumpeni kaya ta [[HSBC]], pungkasané Lugard kasil nduwèni dana kang cukup kanggo mbangun [[universitas]].
 
Charles Eliot diangkat minangka Wakil Réktor kang sepisanan. Minangka [[Gubernur]] Hong Kong, Lugard nyèlèhaké watu pondhasiné Wangunan Utama ing tanggal [[16]] [[Maret]] [[1910]] lan pangajapé amrih universitas bakal bisa nggulawenthah wong-wong Cina ing [[Inggris]]. Universitas iki resmi dibukak ing 11 Oktober 1912. Ing wiwitané, universitas iki minangka institusi kang mligi kanggo para [[Lanang|priya]]. Wondéné mahasiswa [[wadon]] bisa katampa ing sepuluh taun sabanjuré.
 
Ing purwakané kampus iki binuka kalawan telung fakultas yaiku [[Kagunan]], [[Tèknik]] lan [[Kaséhatan|Kasarasan]]. Fakultas Kasarasan madeg minangka [[Hong Kong College of Medicine]] déning [[London Missionary Society]] ing taun [[1887]]. Saka alumni wiwitan kang paling kaloka ing antarané yaiku [[Sun Yat Sen|Sun Yat-sen]], pandhéganing [[Révolusi Cina]] 1911 kang ngowahi tatanan [[nagara]] Cina kang sadurungé minangka nagara [[karajan]] malih dadi nagara [[républik]]. Ing sasi [[Dhésèmber]] [[1916]], universitas nganakaké konggrègasi sepisanané kalawan 23 [[Sarjana|wisudhawan]] lan limang lulusan tandha pakurmatan utawa ''[[honoris causa]]''.