Kasti: Béda antara owahan

'''Kasti''' iku dolanan tradhisional kanggo bocah cilik mèmper karo dolanan utawa ulah raga [[bisbol]] ([[basa Inggris]]:''baseball''). Piranti kang diperlokaké wujud [[bal]] karèt kang gedhéné saukuran bal [[tènis]] nanging ora ana wuluné. Saliyané bal uga diperlokaké piranti wujud teken kang digawé saka kayu, padha karo ''bat'' ing ulah raga [[bisbol]] kang gunané kanggo namplèk bal. Ana manèh piranti kang diarani "hong", wujud telu cagak wesi apa kayu utawa pring minangka ''base''-é. Hong sepisanan dipasang cedhak karo papan namplèk bal, déné hong kapindho lan katelu dipasang ing pojok kang dunungé adoh ing sisih kiwa lan tengen. Sawisé juru main namplek bal kang diuncalake déning kang pérangan nguncal saka tim kang wayahe jaga, déné kang namplek diwènèhi telung kesempatan kanggo namplek sampek kenek. Sawisé bal bisa ditamplek banjur mlayu menyang hong kang wis dicawisake olèh mlayu menyang hong kang cedhak olèh mlayu menyang hong kang adoh. Cara itungan nilaine ya iku saka akèhé anggota tim kang bisa mbalik menyang Home/omah asal tanpa kena bal

 

Mèh padha karo bisbol utawa sofbol]] dolanan kasti dumadi saka rong golongan. Golongan kang siji namplèk terus mlayu ngubengi lapangan lan bisa terus mlebu "omah" (kaya ''homerun''). Golongan sijiné njaga lan nyegat playuné golongan mungsuhé. Bédané karo ''baseball'' ya iku yèn ing ''baseball'' mungsuhé mung dicegat terus ditèmpèli bal, nanging sajeroning kasti juru main jaga olèh mbalang (ngempuk) mungsuhé saka kadohan. Yèn ana juru main kang namplèk banjur mlayu utawa juru main liya kang mlayu saka hong siji menyang hong liyané kena empuk, klompoké banjur ganti golongan jaga, lan golongan kang jaga ganti mlebu omah lan namplèk bal mbaka siji. Saben juru main kang bisa mlebu omah olèh biji siji, mangkono saterusé kang olèh biji paling akèh ing pungkasan dolanan menang.

 

* [[Bisbol]]

 

 

[[Kategori:Dolanan]]