'''Basa Using''' utawa Using iku dituturaké ing tlatah [[Banyuwangi]] utawa kang biyasa karan ''Blambangan''. [[Using]] asalé saka tembung "kangsing" kang tegesé "ora". Tembung iki saka [[basa Bali]] "tusing". Asliné basa Using iki salah siji varian basa Jawa Kuna kang tansah dituturaké ing [[Kabupatèn Banyuwangi|Banyuwangi]]. Akèh uga tetembungan kang kena pangaruh [[basa Bali]], [[basa Madura]], lan kadhang [[basa Inggris]]. Masarakat Using duwé kabudayan kang bedha karo [[Wong Jawa|masarakat Jawa]] salumrahé. Akèh para winasis kang nyaturake yèn basa Using iku sejatiné cabang langsung saka [[basa Kawi]] kang ora ngliwati dadi [[basa Jawa]] dhisik. Kadadean iku padha karo [[basa Minangkabo]] lan [[basa Malayu]] kang sapérangan nyaturaké nganggo [[basa Malayu]] lan sapérangan liyané nyaturaké yèn Minang iku basa dhéwé. Basa utawa dhialek Using iki dicaturaké ning kira-kira separo wewengkon [[Kabupatèn Banyuwangi|Banyuwangi]]. Wong utawa Lare Using racaké manggon ning:
