Kelir: Béda antara owahan

'''Kelir''' iku layar pawayangan. Biasané digawé saka bahan [[motha]] putih sing pinggiré diwènèhi [[plisir]] werna abang. Sakubengé kelir diwènèhi bolongan kanggo ngubetké tali nalika masang kelir ning warangkané. Déné pigunané kelir mau tumrap pagelaran [[wayang]] yakuwi ing sisih kiwa lan tengené minangka dhasaran kanggo mbèbèrké wayang. Déné ing bagéan tengah minangka panggung kanggo wayang sing lagi dimainaké. Sak ngarepé kelir dipasangi [[blencongbléncong]], yakuwi lampu sing gunané kanggo nyorot wayang saéngga ana ayang-ayangé (yèn ditonton saka mburi kelir). Ing jagat pewayangan, utamané [[wayang purwa]] utawa [[wayang kulit]], kelir nduwèni makna sing wigati, nganti dadi jeneng sesulih '''[[pakeliran]]''' kanggo nyebut jagat [[pewayangan]]. Kanggo mbèbèr lan nancepaké [[wayang kulit]], biasané migunaaké [[gedebog]] utawa wit [[gedhang]] sing dipasang ing sakngisoré kelir. Séjé manèh sing kanggo nancepakê [[wayang klithik]] utawa [[wayang krucil]] biasané digawé saka bahan kayu sing wis dibolongi.