[[Gambar:Gorskii_04431u.jpg|thumb|250px|Lahan kapas ing Taman Botani Sukhum taun [[1912]].]]
'''Sukhum''' ([[basa Georgia]]: '''სოხუმისოხუმი'''; [[basa Abkhaz]]: '''АҟəаАҟəа''') kuwi ibukutha [[Abkhazia]], sawijining negara pecahan [[Georgia]] kang ora diakoni sacara internasional. Ing taun [[1989]], Sukhum nduwèni pedunung 121.406 jiwa.
Sukhum dumunung ing pinggir [[Segara Ireng]] sisih kulon Georgia. Kutha iki misuwur kanthi résor, panté, sanatorium, spa lan iklim semi tropis. Sukhum dilayani déning [[Bandara Dranda Sukhum]]. Ing kéné uga ana taman botani ngandhut sajarah kang dibangun taun [[1840]]. Wiwit taun [[1945]] nganti [[1954]], sawijining laboratorium fisika ing Sukhum kalibet jroning program pengembangan senjata nuklir [[Uni Soviet]]. Nganti taun [[1992]], Sukhum minangka kutha multi-kultur; ana sanga basa kang dipirtuturaké déning pedunung kéné.
[[Gua Voronya|Voronya]] —— [[gua]] paling jero ing donya, dawané 2.080 m —— dumunung ing pegunungan ing saubengé Sukhum, yakuwi ing wewengkon [[Krubera]].
== Sajarah ==
Sawijining koloni [[Yunani]] kang jenengé Dioscurias didegaké ing tlatah iki —— banjur diarani Sebastopolis —— taun [[6 SM]]. Jenengé banjur owah dadi Sukhum-Kale samangsa pendhudhukan Turki. Rusia nguasani taun [[1810]].
Dampak perang Georgia-Abkhazia taun [[1990-an]] bisa dirasakaké ing Sukhum —— sawetara bangunan wigati, kaya Museum Arsip, rata karo lemah. Senadyan kutha iki sithik mbaka sithik pulih, kondisiné ora kaya jaman sadurungé perang, lan kaberagaman etnik isih durung kagayuh.
