Genom

Kangge kapreluan sanèsipun, sumangga mirsani Gnome (disambigunasi).

Genom (Ing. genome), ing genetika, iku sakabèhing bahan genetik sing nggawa kabèh informasi panyengkuyung panguripan ana ing makhluk urip, klebu arupa gen utawa ora. Ing sakabèhing makhluk urip, cakupan genome iku kabèh informasi genetik sing digawa DNA, ing inti sel (nukleus), mitokondria, utawa plastida. Virus tinamtu nduwé genom sing wujudé RNA. Istilah iki dikenalaké déning Hans Winkler, profesor seka Universitas Hamburg, Jerman ing taun 1920, sawijining singkatan (portmanteau) sekagene lan chromosome. Kajian sing nyinaoni bahan genetik kanthi tenanan iku dikenal kanthi sebutan genomika (genomics).

Saben-saben spèsiès makhluk urip nduwé pakèt genom béda-béda, sing njlèntrèhaké kena ngapa campuran silang ing antarané rong spèsiès asring ngasilaké keturunan sing mandul (steril).