Lambang Polandia: Béda antara owahan

 

'''Lambang [[Polandia]]''' iku wujudé arupa elang putih ing tamèng alatar abang. Elang iki nganggo makutha lan nduwé cakar serta cucuk werna emas. Ing Polandia, lambang negara biyasané diarani ''Elang Putih'' (''Orzeł Biały''), lan ditulis mawa huruf gedhé.

 

Sang Elang Putih miturut carita asalé nalika sang pangadeg Negara Polandia, [[Lech, pangadeg Polandia|Lech]] weruh susuh elang putih. Nalika dhèwèké ndeleng manuk iki, ana sunaring [[srengenge|srengéngé]] ing swiwiné, dadi rupané kaya-kaya pucuk-pucuké ana emasé, kamangka bagéyan liyané wernané putih.

 

Pepirang sajarawan nganggep yèn asalé lambing iki saka lambing [[Kakaisaran Romawi]] utawa [[Kakaisaran Romawi Suci]]. Lambang Kakaisaran Romawi Suci biyasané elang werna ireng, nanging ana kutha-kutha sing nduwé lambang elang putih kayata [[Frankfurt am Main]] lan [[Schweinfurt]].

 

Elang putih mula-mulané ana ing [[koin|koin-koin]] dhuwit sing digawé nalika masa jumenengé ratu [[Boleslaus I saka Polandia|Boleslaus]], lan wiwitané karepé lambang wangsa [[Piast]].

 

Vèrsi paling anyar lambang iki wiwit ditrapaké ing taun [[1927]] mawa amandhemèn ing undhang-undhang dhasar Polandia. Ing taun [[1945]], rejim komunis sing anyar ngilangi makutha saka endhasé elang lan ngganti kembang-kembangan (mbokmenawa ora sengaja) sing mèmper lintang ing pucuké swiwi karo lintang tenanan. Makutha iki dianggep simbul karatonan. Nalika rejim komunis lèngsèr ing taun 1990, vèrsi lambang sing saiki dienggo. Lambang vèrsi iki mèmper karo vèrsi taun [[1927]], mung rupané luwih modhèrn waé.

 

<gallery>

Image:POL Wojska Lądowe.svg|Lambang Angkatan Dharat Polandia

</gallery>

 

<gallery>

Gambar:Polish White Eagle of Przemysł II.PNG|Karajan Polen (1025-1569)

Gambar:Herb_Polski.svg|[[Polen|Republik Polen]] (wiwit 1989)

</gallery>

 

[[Kategori:Lambang nasional|Polandia]]

[[mk:Грб на Полска]]

[[no:Polens riksvåpen]]

[[pt:Brasão de armas da Polónia]]

[[ro:Stema Poloniei]]