Meron: Béda antara owahan

Konten dihapus Konten ditambahkan
PL04Neni (parembugan | pasumbang)
Kaca énggal: '''Meron''' yaiku tradisi mengeti kelahiran nabi Muhammad SAW ing di kecamatan Sukalila, 27 km arah kidul saka kuthaPathi.<ref name= "internet 1"> {{id}}[http://www.tou...
(Ora ana béda)

Révisi kala 16 Maret 2011 07.42

Meron yaiku tradisi mengeti kelahiran nabi Muhammad SAW ing di kecamatan Sukalila, 27 km arah kidul saka kuthaPathi.[1]. Ing acara iki dianakake arak-arakan sega tumpeng sing miturut masyarakat kono disebut Meron.[1] Sega tumpeng kuwi diawa ing mesjid Sukalila minangka sarana njangkepi upacara selametan.[1] Prosesi Meron kuwi uga dibarengi maneka warna jinis kesenian tradisional daerah kuwi.[1] Sawise upacara selametan, ssega Meron diwenehake marang warga sing melu nonton.[1]

Asal-usul tradisi meron

Pathi lan Mataram nduweni sesambungan paseduluran kang raket.[2] Kekarone sepakat ngrembakakake Islam lan ora gelem narima kekuasaan sing asing.[2] Akeh pendekar sekti saka Mataram ditekakake ing Pati kanggo nglatih kaprajuritan.[2] Pendekar-pendekar iku kudu urip sawetara ing tlatah Pati.[2] Kacarita ana Demang Sukolilo asma Ki Suta Kerta.[2] Panjenengane kagungan sedulur asma Sura Kadam.[2] Ki Sura Kadam kagungan pepinginan ngabdi marang Mataram, mula enggala tindak menyang Mataram.[2] Ing sawijining wektu nalika tindak menyang Mataram, ing dalan panjenengane nemoni kributan.[2] Ana gajah ngamuk saengga bisa mateni wong.[2] Banjur Ki sura Kadam ngusadani supaya gajah kuwi bisa anteng.[2] Ki Sura Kadam bisa numpaki gajah kuwi.[2] Mula Ki Sura Kadam diangkat dadi punggawa kraton Mataram sing ngurusi babagan gajah.[2] Ing sawijining dina Ki Sura Kadam kadhawuhan mimpin pasukan mataram naklukake Kadipaten Pati.[2] Sawise perang, Ki Sura Kadam sowan ing Sukolilo, ing daleme Ki Suta Kerta.[2] Nalika kuwi Ki Suta Kerta bingung lan wedi, wedi yen panjenengane uga melu ditangkap lan digawa ing Mataram.[2] Jebul kuwi mau kabeh kliru, Ki Sura Kadam njlentrehake sing sabenere yen pengin sowan kanggo nyambung tali silaturahmi.[2] Ki Sura Kadam nyuwun palilah marang Ki Suta Kerta supaya panjenengane sarombongan bisa nginep sawetara ing Sukolilo nganti wektune bali menyang Mataram.[2] Sura Kadam menehi usul, nalika Muludan (yaiku Maulud Nabi) ing Sukolilo dianakake acara sing kaya Sekatenan, gawe rame-rame lan niru-niru (tiron) acara Sekaten.[2] Acara kuwi banjur kajenengake Meron, saka tembung rame lan tiron.[2]

Ing arak-arakan Meron, diiring gunungan-gunungan sing khas, amarga gunungan kuwi dibagi dadi telung bagian, yaiku:

  1. Bagian paling dhuwur yaiku mustaka sing bentuke lingkaran kembang maneka werna sing isine pitik jago utawa mesjid.[3] Pitik jago nduweni teges minangka semangat keprajuritan, mesjid nduweni teges minangka semangat keislaman, lan kembang simbol paseduluran.[3]
  2. Bagian kapindho gunungan digawe saka roncean ampyang utawa krupuk maneka warna sing digawe saka tepung lan cucur.[3] Ampyang ngemu teges minangka tameng utawa perisai prajurit lan cucur lambang tekad manunggal.[3]
  3. Bagian katelu disebut ancak.[3] Ngemu teges minangka simbole iman (ancak ndhuwur), ancak tengah simbole islam, lan ancak ngisor simbol ikhsan.[3]


Pranala Njaba

[3]

Catatan Kaki

  1. a b c d e (ing basa Indonésia)[1](dipunundhuh tanggal 16 Maret 2011)
  2. a b c d e f g h i j k l m n o p q r s (ing basa Indonésia)[2](diundhuh tanggal 16 Maret 2011)
  3. a b c d e f (ing basa Indonésia) kompas.com:Meron Untuk Persaudaraan dan Kerukunan(dipunundhuh tanggal 16 Maret 2011)