Gunung Slamet: Béda antara owahan

Jalur pendakian standar yaiku saka Bambangan, Desa Kutabawa, Kecamatan Karangreja, Purbalingga. Jalur populer liyane yaiku saka Baturraden. Pendakian Gunung Slamet lumayan angel merga meh ana ing sedawane dalan rute pendakian ora ana tuk, yen ana kuwi ya mung comberan tok. Mula saka kuwi pendaki disaranke kanggo gawa ombenan dewe yen arep ndaki. Faktor liya kang sering dadi masalah yaiku kabut. Kabut ana ing Gunung Slamet gampang teka lan ora tetep tekane lan kabute uga kandel. Yen liwat jalur bambangan, masalah banyu ngombe ora dadi masalah lah rada gampang. Ana ing pos v utawa ana ing pos Samhyang rangkah ana kali cilik kang panggone ana ing sakngisore pos v. Sakliyane rute bambangan, uga ana rute pendakian saka Dukuhliwung. Saka pos 1 nganti tekan pos 5 yaiku pucuk mbutuhake wektu antarane 8jam lan ana tuk ing pos 2 lan 3. Utawane uga bisa ndaki saka obyek wisata padusan banyu anget Guci, rute pendakian saka guci iki jalurw terjal lan ora rata. Nanging pemandangan ana ing sakdawane dalan iki luwih istimewa dibandingake karo rute liyane. Pemandangan alam ing rute guci iki isih alami lan isih asli. Rute iki bisa diwiwiti saka kota Tegal banjur ngidul tumuju kota Slawi, liwat Lebaksiu, Yomani lan mlebu ana ing dataran dhuwur Tuwel.