Kencur: Béda antara owahan

'''Kencur''' kang nduwèni jeneng ilmiyah ''Kaempferia galangal L.'' yaiku empon-empon kang kang isih sakeluwarga karo ''Zingiberaceae'', nduwèni woh kang dagingé empuk lan ora nduwèni serat. <ref name="Buku1">{{id}}[Mulisah, Fauziah. 2001. Taman Obat Keluarga. Jakarta: Panebar Swadaya. Hal 34-36. ISBN 979-489-308-0]</ref><ref name="Buku2">{{id}}[Wijayakusuma, Hembing. 2006. Resep Alami dari Pakar Herbal Atasi Asam Urat & Rematik Ala Hembing. Jakarta: Puspa Swara. Hal 34. ISBN 979-24-4807-1]</ref><ref name="Internet1">{{id}}[http://www.iptek.net.id/ind/pd_tanobat/view.php?id=137 (diakses tanggal 2 Maret 2011)]</ref> Empon-empon iki nduwèni jeneng liya yaiku ''ceuko'' utawa ''tekur'' (ing [[Aceh]]), ''kaciwer'' (ing [[Batak]]), ''cakue'' (ing [[Minang]]), ''cikur'' (ing [[Sunda]]), ''sikor'' (ing [[Kalimantan]]), ''cekuh'' (ing [[Bali]]), ''cakuru'' (ing [[Makasar]]), ''asauli'' utawa ''sahalu'' (ing [[Ambon]]), ''ukap'' (ing [[Irian]]), ''sekur'' (ing [[Lampung]]), lan ''kencor'' (ing [[Madura]]). <ref name="Buku1"/><ref name="Buku2"/> Yèn ing njaba, kencur diarani ''humula'' (ing [[Benggala]]), ''kamung'' (ing [[Burma]]), ''prao'' utawa ''shan nai'' (ing [[Cina]]), lan ''herbe a kemfer'' (ing [[Perancis]]). <ref name="Buku1"/>

 

Empon-empon kencur kalebu wit kang nduwèni gagang semu lan rungkut. <ref name="Buku1"/> Wit iki nduwèni [[godhong]] kang bunder lan amba kanthi pucuké manciut, rada kandel. <ref name="Buku1"/> Godhong wit kencur thukulé nglèngsrèh ing dhuwur lemah. <ref name="Buku1"/> Wit iki nduwèni godhong kang jumlahé akèh lan gagang godhongé awarna rada putih. <ref name="Buku1"/> Kembang kencur awarna ungu semu putih, bentukè cilik, mambuné wangi, thukulé ing sela-selané godhong, lan gampang prithil. <ref name="Buku1"/> Wit kencur nduwèni oyod kang thukulé nggerombol, yèn oyodé dibelèk katon daging oyodé kang awarna putih lan kulit oyodé awarna soklat tuwa. <ref name="Buku1"/> Saliyané iku, ambuné oyod kencur krasa ènak yèn dibandingakè jenis ''Zingiberaceae'' liyanè.<ref name="Buku1"/>

 

Wit kencur asalé saka [[India]], sadurungé kasebar ing [[Asia]]. <ref name="Buku1"/> Yèn ing désa, kencur gampang digolèk amarga kencur biyasa thukul ing tegalan utawa ing kebon. <ref name="Buku3">{{id}}[Inu, Ade. 1981. Kebun Apotik. Jakarta: Aries Lima. Hal 14-15.]</ref> Saiki, wit kencur gampang ditemokaké ing pot utawa latar omah minangka bumbu pawon utawa jamu. <ref name="Buku1"/> Wit iki apik ditandur ing lemah kang gembur, subur, lan ana pasiré sithik. Budidaya kencur kalebu lumayan gampang yaiku pilih oyod kang tua, nanging isih seger banjur ditandur ing lemah. Oyod kang ditandur iku bakalé thukul tunas. <ref name="Buku1"/> Saliyané iku, bisa uga oyod kang seger iku disimpen ing gudhang sasuwené 1-2 minggu nganthi thukul tunasé, banjur tunas iku kang bakalé ditandur. <ref name="Buku1"/>

 

Kencur nduwèni kandhungan kimia kang apik kanggo kasarasan awak, yaiku: <ref name="Buku1"/><ref name="Buku2"/><ref name="Internet2">{{id}}[http://tadzakia.multiply.com/journal/item/2 (kajupuk tanggal 2 Maret)]</ref>

 

Kencur nduwé kasiyat kang akèh, yaiku bisa nambani keseléo, ngilangaké rasa lara (''analgetik''), obat watuk, peluruh dahak (''ekspentorans''), karminatif, nyegeraké awak, nambah nafsu mangan, nambani rématik lan pegelinu, nambani radhang lambung, ngurangi abab kang mambuné ora énak, nambani masuk angin. <ref name="Buku1"/><ref name="Buku2"/><ref name="Buku4">{{id}}[Lembaga Penelitian Pengembangan dan Pemberdayaan Lingkungan. 2000. Panduan Khusus Pemanfaatan Tumbuh-Tumbuhan Alami untuk Kesehatan dan Pengobatan Alternatif. Jawa Tengah: Jaya Madani. Hal 43]</ref> Kencur uga nduwèni kasiyat bisa nambani lara [[tetanus]], keracunan témpé bongkrèk, lan keracunan jamur.<ref name="Buku1"/> Saliyané nduwèni kasiyat minangka jamu, kencur uga nduwèni kasiyat bisa dadi bumbu pawon nalika masak. <ref name="Buku3"/>

 

{{reflist}}

 

 

[[az:Kempferiya qalanqa]]

[[en:Kaempferia galanga]]

[[id:Kencur]]

[[ml:കച്ചോലം]]

[[ms:Cekur]]