Masjid Muhammad Cheng Ho: Béda antara owahan

Wewangunan intine mung ukuran 11 x 9 meter. Nanging yen dielokake karo teras sisih kiwa tengen, ambane mesjid mau dadi 21 x 11 meter. Perangan dhuwur wewangunan inti kasebut dumadi saka 8 sisi. Angka-angka mau duwe teges dhewe-dhewe. Angka 11 mujudake ukuran ka’bah rikala mentas dibangun dening Nabi Ibrahim, 9 minangka lambang anane Wali Sanga, dene 8 mengku teges ''pat kwa'' (kejayaan utawa kabegjan ing basa Tiongkok).

Replica kapal layar duweke [[Laksamana Cheng Hoo]] ngrenggani perangan sisih tengene mesjid. Relief kang nggambarake aksi heroike [[Laksamana Cheng Hoo]] ing segara tinatah ing tembok. [[Laksamana Cheng Hoo]] mujudake panglima perang segara sing ngrasuk agama [[Islam]] . modhel mesjid kanthi cangkrik Tiongkok kuna mau diilhami dening mesjid Niu Jie ing [[Beijing]], [[Cina]].