Wangsa Ming: Béda antara owahan

'''Dinasti Ming''' ([[Hanzi]]: 明朝, [[hanyu pinyin]]: ''ming chao'') ([[1368]] - [[1644]]) yaiku salah siji saka 2 dinasti kang didegake dening [[pamberontakan petani]] sadawane sejarah [[Cina]]. Dinasti iki yaiku dinasti bangsa [[Han]] kang pungkasan nguwasani pamrebtahan sawise [[Dinasti Song]]. Nalika taun 1368 [[Zhu Yuanzhang]] bisa ngusir bangsa [[Mongol]] balik menyang lor lan ngancurake [[Dinasti Yuan]]. Dheweke ngedegake dinasti Ming (大明國; Dà Míng Guó), kang ibukotane ana ing [[Yingtian]] (saiki [[Nanjing]]) sadurunge putrane, [[Zhu Di]], kang dadi kaisar ka-3 mindahake ibukotae menyang [[Shuntian]] (saiki [[Beijing]]). Yingtian banjur ganti jeneng dadi Nanjing (ibukota kidul). Wiwitane Dinasti Ming ditandai karo mangsa katenangan lan kamakmuran ana ing pimpinan Hongwu, Zhu Yuanzhang. Kaisar Hongwu banjur nglakokake reformasi ana ing sistem pamrentahan lan birokrasi kanthi cara mbentuk organ birokrasi anyar kang padha dene ngimbangine kanggo nyegah ngadege lembaga pamrentah kang duwe wewenang kang kegedhen. Dheweke uga nglakokake pembangunan ana ing babagan ekonomi, nyetop kabeh jenis ekspedisi militer kanggo menehi rakyat wektu lan ketenangan kanggo nglakokake tanggung jawabe dhewe-dhewe. Kebijakan iki sukses kanthi ditandai saka peningkatan jumlah populasi nganti tekan 10.650.000 [[kepala keluarga]] utawane 65.000.000 jiwa nalika taun [[1393]].