Mi: Béda antara owahan
Kaca énggal: right|thumb|237px|mi '''Mi''' utawa '''mie''' yaiku salah sawijining panganan paling populer ing Asia, khususe ing Asia Wetan lan Asia Tenggara. Miturut cath... |
(Ora ana béda)
|
Révisi kala 9 Oktober 2011 23.33
Mi utawa mie yaiku salah sawijining panganan paling populer ing Asia, khususe ing Asia Wetan lan Asia Tenggara. Miturut cathetan sajarah, mie kapisanan digawe ing Cina nalika jaman pamarintahan dinasti Han. Saka Cina, mie nyebar menyang Jepang, Korea, Taiwan lan negara-negara ing Asia Tenggara tekan Eropa. Miturut buku-buku sejarah, ing Eropa, mie mulai dikenal sakwise Marco Polo nekani Cina lan nggawa jajan mie. Nanging ing perkembangane ing Eropa, mie saiki dadi pasta kaya kang kita mangerteni saiki.[1]
Sakjane seni nggiling gandum wis ana dhisik ing Timur Tengah, kaya Mesir lan Persia. Asale, mie diproduksi kanthi manual, nembe taun 700-an ana mesin kanggo nggawe mie sing ukurane cilik nganggo alat mekanik. T.Masaki tahun 1854 bisa nggawe mesin kanggo nggawe mie mekanik kang bisa mroduksi mie kanthi masal. Sakawit iku, mie ngalami akeh perkembangan,kaya ing Cina mulai diproduksi mie instant kang jenenge Chicken Ramen lan ing ing Jepang jenenge Saparo Ramen (1962).[2]
Aneka Jenis Mie
- Mie Seger, yaiku mi kang wis ora ngalami pengolahan lanjutan. Biasane mung tahan sedina amarga kandhutan banyune dhuwur, yaiku 35%. Mi seger biasane kanggo nggawe mi ayam.
- Mie Teles, yaiku mi kang didol jroning kahanan teles. Kandhutan banyune dhuwur tekan 52% mula mung tahan 40jam.
- Mie Garing utawa mi ndhog, amarga proses nggawene ditambahi ndhog utawa glepung ndhog. Bisa tahan suwe amarga kandhutan banyune mung 13%, biasa digawe bahan kanggo nggawe mi goreng..
- Mie instan, mi kang paling ppopuler, amarga praktis lan tahan luwih suwe. Kandhutan banyune mung 5-8%. Biasa digawe mi godhog utawa mi goreng.[3]
Komposisi Mie
Komposisi bahane yaiku glepung terigu, banyu, ndhog, uyah lan banyu awu utawa banyu ki kanggo pengenyal. [4]
Cara Nggawe Mie
Proses nggawe sing kapisananan yaiku kabeh bahan dicampur dadi siji nganti dadi adonan. Banjurya adonan diuleni nganti adonan kalis, lunyu lan transparan. Sakwise iku adonan dibentuk utawa diiris sesuai karo jenis mie sing arep digawe.[5]
Jenis-jenise Mie
- Cellophane noodles utawa suun. Suun digawe saka campuran glepung kenthang lan glepung kacang ijo. Mie jenis iki teksture amoh banget, cocok kanggo olahan sop, suun goreng utawa kanggo isi pastel. Suun didol garingan, direndem jroning banyu panas nganti lembut lan suun wis siap diolah.
- Mie ndhog, digawe saka glepung terigu jenis hard wheat lan akeh nganggo ndhog. Biasane didol garingan kanthi bentuk bunder utawa gepeng.
- Hokkien Noodles utawa mie Hong Kong. Bentuke kaya mie ndhog, bunder lan alus. Biasane didol kondhisi teles jroning kemasan kedap udara. Mie ini sangat cocok untuk dibuat miegoreng atau mie rebus.
- Ramen utawa mie kriting Cina. Didol jroning kondisi garing ing wadhah mie instan. Cocok diolah dadi mie goreng utawa mie godhog.
- Rice stick noodles utawa kwetiau, digawe saka glepung beras lan banyu. Ing pasaran didol garing lan teles. Kwetiau cocok kanggo digawe kwietiau goreng utawa godhog.
- Somen noodles asalae saka Jepang, digawe saka glepung gandum lan minyak. Teksture alus lan rasane gurih. Somen didol garingan, bentuke kaya sada, cocok kanggo masakan Jepang kang digodhog.
- Soba noodles utawa mi Jepang. Bentuke kaya mie somen nanging wernane klawu utawa ijo tua (ngandhut sari teh ijo), biasane didol garingan lan cocok kanggo didadekake mi godhog.
- Rice Vermicelli utawa bihun, digawe saka glepung beras, wernane putih bersih lan teksture alus, gampang mateng dadi ora perlu digodhog. Cukup direndhem banyu panas. Biasane didol garingan dibungkus plastik. Cocok kanggo soup lan bihun goreng.
- Mie shoa, asale saka Cina. digawe saka glepung beras, wernane putih lan gampang mateng, Cocok kanggo masak sop lan misoa goreng.
- Wonton utawa kulit pangsit. Didol telesan dibungkus plastik. Bentuke segi papat,biasane diolah kanthi macem-macem isi, bisa dikukus, di godhog utawa digoreng.[6]
Kandungan Gizi
Jroning 100 gr mie kering ngandhung 338 Kal, protein7.6g, lemak 11.8g, karbohidrat 50.0g, mineral 1.7mg lan kalsium 49 mg. Saka kandungan gizine, kandungan kalori saka mie mung sithik dadi cocok kanggo wong kang lagi diet.[6]
Tips Ngolah Mie
- Menawa tuku mie jroning kemasan, gatekake tanggal kedaluarsane, kawutuhan kemasane lan nomor register saka POM.
- Godhog mie garing sing suwe lan umeb, wektune sawetara 4-5 menit.
- Mie teles akeh kandhutan banyune saengga gampang rusak. Jenis iki mung tahan sedina, sakluwihe, kualitas rasa,tekstur, lan hygiene bakal mudhun.
- Aja nggodhog utawa masak mie kesuwen amarga teksture bakal amog lan ora kenyal maneh.[6]
Cathetan Suku
- ↑ (ing basa Indonésia)[1] Mi (diaksés tanggal 10 Oktober 2011)
- ↑ (ing basa Indonésia)[2] Mi (diaksés tanggal 10 Oktober 2011)
- ↑ (ing basa Indonésia)[3] Mi (diaksés tanggal 10 Oktober 2011)
- ↑ (ing basa Indonésia)[4] Mi (diaksés tanggal 10 Oktober 2011)
- ↑ (ing basa Indonésia)[5] Mi (diaksés tanggal 10 Oktober 2011)
- ↑ a b c (ing basa Indonésia)[6] Mi (diaksés tanggal 10 Oktober 2011)