Parembugan Naraguna:WONGEDHEWEX

URUN REMBUG

Wis akeh sing ngrembug lan ngupayakake kahananing aksara Jawa supaya tetep urip. Saperangan ana sing ora pati maelu, saperangan sedulur rumangsa nlangsa amarga aksarane para leluhure wis ora diwenehi papan kanggo urip ing satengahing masyarakat Jawa, sing lagi tumapak menyang jaman 'modern'.

Ing wektu saiki, sing sarwa cepet lan padha kepengin praktis, ora mokal banjur padha ninggalake aksara Jawa kanthi pawadan 'repot' lan ora bisa kanggo internet. Bab iki kudune ora kedawa-dawa, jalaran ing kaca-maya, saiki aksara Jawa wis bisa disawang lan diwaca tumrap para sedulur ing isih padha kelingan lan ngerti tata-tulise. Ing jejaring sosial kayata facebook uga wis bisa nganggo aksara Jawa. Dene jinising font Jawa kang jumbuh (compatible) kanggo jejaring sosial mau, kang aran FONT CARAKAN ANYAR.

Supaya bisa maca facebook kang nggunakake aksara Jawa, para sedulur kudu masang(instal) font Carakan Anyar menyang sajroning Windows. Dene pranala kanggo ngundhuh font mau yaiku :

https://sites.google.com/site/hanacarakan/font/Carakan-Anyar-Rev-01D.ttf?attredirects=0&d=1

Salah sawijining paguyuban (grup) facebook kang nyengkuyung adeging aksara Jawa yaiku: GinauMacaLanNulisJawa ing pranala: https://www.facebook.com/groups/210322645675685/

Ing papan mau ana katrangan (panduan) carane ng-instal font carakan anyar, jangkep lan keyboarde.