Asin

Asin (kadhangkala dipocapaké masin) iku rasa kaya rasaning uyah. Rasa iki wigati banget tumrap masakan. Masakan Indonésia utamané ing tlatah pesisir luwih dominan krasa asin tinimbang rasa legi. Rasa asin bisa dicampur karo rasa liyané kayata rasa legi, kecut utawa pedhes kayadéné nalika gawé sambel.

Bahan panganan tinamtu biyasa diawètaké nganggo uyah, tuladhané iwak asin lan endhog asin. Sawisé diprosès sawetara dina bahan panganan mau dadi awèt lan bisa disimpen suwé tanpa diadhemaké. Sawetara bumbu masakan uga duwé rasa asin kayadéné kécap asin.

Banyu segara iku krasa asin amarga akèh ngandhut uyah, amarga saka kuwi ora bisa diombé sbab bisa nyebabaké rasa ngelak. Supaya bisa diombé banyu segara mau kudu diprosès luwih dhisik.

Deleng uga

• Rasa Kecut
• Rasa Legi
• Rasa Pedhes