Soe Hok Gie: Béda antara owahan
Kaca énggal: '''Soe Hok Gie''' (lair ing Jakarta, 17 Desember 1942 – mati ing Gunung Semeru, 16 Desember 1969 nalika umur 26 taun) dikenal dadi salah sawijining aktivis Indonesia, mahasiswa Fa... |
(Ora ana béda)
|
Révisi kala 20 Juni 2012 04.55
Soe Hok Gie (lair ing Jakarta, 17 Desember 1942 – mati ing Gunung Semeru, 16 Desember 1969 nalika umur 26 taun) dikenal dadi salah sawijining aktivis Indonesia, mahasiswa Fakultas Sastra Universitas Indonesia Jurusan Sejarah taun 1962–1969, demonstran, penulis, lan anggota MAPALA UI. [1] Jeneng Soe Hok Gie kuwi dialek Hokkian saka jeneng Su Fu-yi ing basa Mandarin (Hanzi: 蘇福義). Leluhure Soe Hok Gie asale saka provinsi Hainan, Republik Rakyat Cina. Dheweke kondhang amarga sregep nulis ing maneka media massa lan buku cathetan padinane diterbitake dadi buku.
Pendhidhikan
Dilairake saka kulawarga Tionghoa Indonesia, duwe bapak tukang nulis novel. Mula kuwi wiwit cilik wis cedhak karo sastra, jagad tulis, lan buku. Tuladhane nalika isih Sekolah Dasar dheweke wis maca karya-karya sastra abot kaya karangane Pramoedya Ananta Toer. [1] Nalika SD dheweke saksekolahan karo kang mase, Soe Hok Djie (Arief Budiman). Nalika SMP dheweke nerusake ing SMP Strada, kangmase ing Kanisius. Soe Hok Gie banjur nerusake pendhidhikan SMA ing Kolese Kanisius jurusan Sastra. Ing jurusan iki dheweke wiwit kenal lan seneng ngelmu Sejarah. Saka kuwi uga dheweke kenal politik. Sawise lulus SMA, dheweke nerusake menyang Universitas Indonesia jurusan Sejarah.
Urip Padinan
Soe Hok Gie kalebu wong kang seneng maca. Nalika SD wis maca tulisan-tulisane Pramoedya Ananta Toer, nalika umur 14 wis maca tulisane Mahatma Gandhi lan Rabindranath Tagore.[2]