Persami: Béda antara owahan

Konten dihapus Konten ditambahkan
Kaca énggal: '''Persami''' yaiku kepanjangan Perkemahan Sabtu- Minggu. Biasane diadake marang Pramuka Penggalang tingkat SMP (Sekolah Menengah Pertama). Kelengkapan sing digowo kanggo persam...
(Ora ana béda)

Révisi kala 11 Juli 2012 00.14

Persami yaiku kepanjangan Perkemahan Sabtu- Minggu. Biasane diadake marang Pramuka Penggalang tingkat SMP (Sekolah Menengah Pertama). Kelengkapan sing digowo kanggo persami contone tendha. Ing persami diawali upacara pembukaan para pramuka penggalang kang padha ngucapaké janji pramuka penggalang, yaiku Trisatya. para pramuka uga bebarengan nglagokaké lagu kebangsaan Indonesia Raya, ngucapake pancasila, lan bebarengan ngeningaké cipta, nyuwun marang Gusti Kang Akarya jagat anggone padha nganakaké persami muga- muga tansah antuk pangayoman. Ora lali Pramuka uga nyenyuwun, muga- muga arwahé para pahlawan kang padha ndhisiki gugur ana ing madyaning palagan tinampa ing pangayunaning Gusti kang Maha Asih. Tujuan persami yaiku ngraketaké pasedulurane para anggota Pramuka, nglatih urip mandiri ngedhèkaké takwané anggota Pramuka marang Gusti Kang Murbèng Dumadi, ngipuk- ipuk rasa tresna marang nusa bangsa, lan sapanunggalané. Yen bengi para Pramuka Penggalang nganakaké api unggun. Saben regu ngladèkaké kesenian. Ana sing njogèd- jogèd, ana sing nyanyi, ana sing maca geguritan. Uga ana regu sing ngetokaké drama perjuangan, nggambaraké perjuangané bangsa. Yen sarampungé pesta api unggun para Pramuka pada bali menyang téndhané dhéwé- dhéwé sing wis dipasang tata- tata mapan turu. Bubar esuk sarapan ana acara warna- warna, acara lomba. Ana lomba mencari jejak, lomba PPPK, lomba semapur, tali- temali, masak, lan liya- liyane. Wes awan bar kegiatan ana upacara penutupan. Bubar upacara penutupan para Pramuka padha mulih menyang omahé dhéwé- dhéwé. kabèh isih katon seger lan sumringah, ora ana sing suntrut lan sayah, mratandani atiné seneng lan awaké waras.