'''Kepithing''' iku sawijining kéwan anggota krustaséa asikil sapuluh saka upabangsa (infraordo) Brachyura, sing ditepungi nduwé "buntut" sing cendhak banget ([[basa Yunani]]: ''brachy'' = cendhak, ura = buntut), utawa sing wetengé (abdomen) ndelik sangisoré dhadha (''thorax''). Awak kepithing direksa déning warangka njaba sing atos banget, lan dumadi saka kitin, lan ndarbèni supit sapasang minangka sanjata.
[[Panganggo:Ganyong|Ganyong]] <sup>[[Dhiskusi Panganggo:Ganyong|pirembagan]]</sup> 7 Agustus 2012 08.35 (UTC)
Kepithing bisa ditemokaké saindhenging samudra donya. Ana uga kepithing banyu tawa lan kepithing dharat, kususé ing tlatah-tlatah tropis. Rajungan iku kepithing sing urip ing tlatah banyu asin segara lan arang munggah ing dharat, kamangka [[yuyu]] iku kepithing sing urip ing banyu tawa (kali lan tlaga). Saliyané iku uga ana kepithing sing urip ing dharat.
Kepithing iku manékawarna ragam ukurané, saka kepithing kacang sing ambané namung sawetara milimeter pasagi, nganti kepithing kemangga Jepang, sing ndarbèni rentangan sikil nganti 4 mèter.
