ꦌꦤ꧀ꦱꦶꦏ꧀ꦭꦺꦴꦥꦺꦝꦶ: Béda antara owahan
aksara jawa |
(Ora ana béda)
|
Révisi kala 2 Sèptèmber 2012 16.57
꧋ꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦸꦠꦮꦧꦮꦸꦮꦂꦤꦲꦶꦏꦸꦱꦮꦺꦠꦫꦧꦸꦏꦸꦱꦶꦁꦲꦶꦱꦶꦤꦺꦥꦮꦺꦝꦫꦤꦶꦁꦱꦧꦺꦤ꧀ꦕꦧꦁꦔꦺꦭ꧀ꦩꦸꦱꦶꦤ꧀ꦱꦱꦶꦁꦏꦠꦠꦩꦶꦠꦸꦫꦸꦠ꧀ꦲꦧ꧀ꦗꦢ꧀ꦲꦸꦮꦠꦩꦶꦠꦸꦫꦸꦠ꧀ꦏꦠꦺꦒꦺꦴꦫꦶꦭꦤ꧀ꦕꦫꦤꦺꦤꦠꦕꦺꦏꦏ꧀ꦭꦤ꧀ꦥꦝꦺꦠ꧀꧉
ꦌꦠꦶꦩꦺꦴꦭꦺꦴꦒꦶ
꧋ꦡꦺꦩ꧀ꦧꦸꦁ'ꦌꦤ꧀ꦱꦶꦏ꧀ꦭꦺꦴꦥꦺꦝꦶ'ꦢꦶꦗꦸꦥꦸꦏ꧀ꦱꦏ[[ꦧꦱꦪꦸꦤꦤꦶ]]:enkyklios paideia (ἐγκύκλιος παιδεία)ꦱꦶꦁꦠꦼꦒꦼꦱꦺꦱꦮꦶꦗꦶꦤꦶꦁꦧꦸꦤ꧀ꦝꦼꦫꦤ꧀ꦲꦸꦠꦮꦥꦔꦗꦫꦤꦱꦶꦁꦥꦺꦥꦏ꧀꧉ꦑꦫꦺꦥꦺꦲꦶꦏꦸꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦶꦏꦸꦱꦮꦶꦗꦶꦁꦥꦼꦤ꧀ꦝꦶꦝꦶꦏꦤ꧀ꦥꦫꦶꦥꦸꦂꦤꦱꦶꦁꦔꦩꦺꦴꦠ꧀ꦏꦧꦺꦃꦧꦸꦤ꧀ꦝꦺꦫꦤ꧀ꦔꦺꦭ꧀ꦩꦸꦱꦶꦤ꧀ꦱ꧀꧉
ꦨꦤ꧀ꦗꦸꦂꦠꦼꦩ꧀ꦧꦸꦁ'ꦧꦮꦸꦮꦂꦤ'ꦲꦶꦏꦸꦢꦶꦗꦸꦥꦸꦏ꧀ꦱꦏ[[ꦧꦱꦯꦁꦱ꧀ꦏꦼꦂꦠ]]ꦭꦤꦱꦗꦠꦶꦤꦺꦠꦼꦩ꧀ꦧꦸꦁꦩꦗꦼꦩꦸꦏꦱꦏꦠꦶꦥꦼꦧꦲꦸꦥ꦳ꦿꦶꦲꦶ꧉ꦡꦼꦩ꧀ꦧꦸꦁꦲꦶꦏꦶꦢꦢꦶꦏꦱꦸꦱꦸꦤ꧀ꦱꦏꦫꦺꦴꦁꦧꦒꦺꦪꦤ꧀:'ꦧꦮꦸ'ꦲꦸꦠꦮ'ꦧꦲꦸ'꧈ꦭꦤ꧀'ꦮꦂꦤ'꧉ꦡꦼꦩ꧀ꦧꦸꦁ'ꦧꦮꦸ/ꦧꦲꦸ'ꦲꦶꦏꦸꦠꦼꦒꦼꦱꦺꦲꦏꦺꦃꦭꦤꦠꦼꦩ꧀ꦧꦸꦁ'ꦮꦂꦤ'ꦲꦶꦏꦸꦠꦼꦒꦼꦱꦺ'ꦫꦸꦥ'ꦲꦸꦠꦮ'ꦮꦸꦗꦸꦢ꧀'꧉ꦢꦢꦶꦠꦼꦒꦼꦱꦺ'ꦲꦏꦺꦃꦥꦿꦏꦫ'꧉
ꦑꦼꦉꦥ꧀ꦏꦺꦴꦤ꧀ꦱꦼꦥꦌꦤ꧀ꦱꦶꦏ꧀ꦭꦺꦴꦥꦺꦝꦶꦢꦶꦱꦭꦃ-ꦏꦥꦿꦲꦏꦺꦏꦫꦺꦴ'ꦧꦮꦸꦱꦱ꧀ꦠꦿ'꧌ꦏꦩꦸꦱ꧍꧉ꦟꦔꦶꦁꦥꦿꦏꦫꦲꦶꦏꦶꦲꦺꦴꦫꦲꦤꦺꦃꦲꦩꦂꦒꦌꦤ꧀ꦱꦶꦏ꧀ꦭꦺꦴꦥꦺꦝꦶ-ꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦮꦭꦥꦤ꧀ꦤꦺꦤ꧀ꦩꦸꦭ-ꦩꦸꦭꦤꦺꦢꦶꦱꦸꦱꦸꦤꦱꦏꦧꦮꦸꦱꦱ꧀ꦠꦿ꧉ꦦꦫꦧꦺꦢꦤꦲꦸꦠꦩꦲꦤ꧀ꦠꦫꦏꦩꦸꦱꦭꦤꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦶꦏꦸ;ꦱꦮꦶꦗꦶꦤꦶꦁꦏꦩꦸꦱꦤꦩꦸꦁꦩꦺꦤꦺꦲꦶꦏꦠꦿꦔꦤꦢꦺꦥ꦳ꦶꦤꦶꦱꦶꦱꦧꦼꦤ꧀ꦌꦤ꧀ꦠꦿꦶꦲꦸꦠꦮꦭꦺꦩ꧀ꦩꦱꦶꦁꦢꦶꦢꦼꦊꦔꦱꦏꦱꦸꦝꦸꦠꦥꦤ꧀ꦝꦁꦭꦶꦔꦸꦆꦱ꧀ꦠꦶꦏ꧀ꦲꦸꦠꦮꦤꦩꦸꦁꦩꦺꦤꦺꦲꦶꦱꦶꦤꦺꦴꦤꦶꦩ꧀-ꦱꦶꦤꦺꦴꦤꦶꦩ꧀ꦮꦺ꧉ꦑꦩꦁꦏꦱꦮꦶꦗꦶꦤꦶꦁꦺꦤ꧀ꦱꦶꦏ꧀ꦭꦺꦴꦥꦺꦝꦶꦏꦮꦼꦢꦫꦤꦶꦁꦱꦮꦶꦗꦶꦤꦶꦁꦼꦤ꧀ꦠꦿꦶꦭꦸꦮꦶꦃꦗꦺꦫꦺꦴ꧉ꦯꦮꦶꦗꦶꦤꦶꦁꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦶꦏꦸꦚꦺꦴꦧꦩꦺꦤꦺꦲꦶꦏꦠꦿꦔꦤꦱꦧꦼꦤ꧀ꦲꦫꦠꦶꦏꦺꦭ꧀ꦲꦫꦸꦥꦱꦮꦶꦗꦶꦤꦶꦁ꧀ꦥ꦳ꦺꦤꦺꦴꦩꦺꦤ꧉ꦈꦠꦮꦭꦸꦮꦶꦃꦕꦼꦏꦏ꧀ꦩꦤꦺꦃ;ꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦶꦏꦸꦢꦥ꦳꧀ꦠꦂꦥꦿꦏꦫꦏꦩꦁꦏꦏꦩꦸꦱꦲꦶꦏꦸꦢꦥ꦳꧀ꦠꦂꦠꦺꦩ꧀ꦧꦸꦁ꧉
ꦌꦤ꧀ꦱꦶꦏ꧀ꦭꦺꦴꦥꦺꦝꦶꦤꦭꦶꦏꦗꦩꦤꦑ꧀ꦭꦱꦶꦏ꧀ꦲꦶꦁꦌꦫꦺꦴꦥꦃ
ꦡꦺꦩ꧀ꦧꦸꦁꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦱꦭꦺꦱꦏ[[ꦧꦱꦪꦸꦤꦤꦶ]]꧈ꦢꦢꦶꦲꦺꦴꦫꦲꦤꦺꦃꦪꦺꦤꦲꦱꦭꦺꦲꦸꦒꦱꦏꦪꦸꦤꦤꦶꦏꦸꦤ꧉ꦟꦔꦶꦁꦌꦤ꧀ꦱꦶꦏ꧀ꦭꦺꦴꦥꦺꦝꦶꦥꦭꦶꦁꦠꦸꦮꦢꦸꦢꦸꦱꦏꦪꦸꦤꦤꦶꦤꦔꦶꦁꦱꦏ[[ꦑꦏꦶꦱꦫꦤꦫꦺꦴꦩꦮꦶ]]ꦭꦤꦢꦶꦠꦸꦭꦶꦱꦢꦺꦤꦶꦁMarcus Porcius Catoꦱꦶꦁꦱꦸꦒꦺꦁꦲꦶꦁꦲꦧꦢꦏꦥꦶꦁꦠꦺꦭꦸꦭꦤꦭꦺꦴꦫꦺꦴ[[ꦯ꧉ꦩ꧉꧊ꦯꦢꦸꦫꦸꦔꦺꦩꦱꦺꦲꦶ]]꧉ꦟꦔꦶꦁꦌꦤ꧀ꦱꦶꦏ꧀ꦭꦺꦴꦥꦺꦝꦶꦱꦶꦁꦲꦶꦱꦶꦃꦲꦤꦔꦤ꧀ꦠꦶꦱꦶꦏꦶꦭꦤꦱꦶꦁꦠꦸꦮꦝꦺꦮꦺꦢꦶꦠꦸꦭꦶꦱꦢꦺꦤꦶꦁCaius Plinius Secundusꦲꦶꦁꦲꦧꦢꦩꦱꦺꦲꦶꦏꦥꦶꦁꦱꦠꦸꦁꦒꦭ꧀꧉ꦌꦤ꧀ꦱꦶꦏ꧀ꦭꦺꦴꦥꦺꦝꦶꦦ꧀ꦭꦶꦤꦶꦸꦱꦲꦶꦏꦶꦏꦱꦸꦱꦸꦤꦱꦏ:꧓꧘:ꦗꦶꦭꦶꦢ꧀꧉
ꦯꦗꦫꦃꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦶꦁꦢꦺꦴꦚꦩꦺꦴꦝꦺꦫ꧀ꦤ꧀
꧋ꦲꦶꦁꦗꦩꦤꦩꦺꦴꦝꦺꦫ꧀ꦤ꧀ꦠꦼꦩ꧀ꦧꦸꦁꦌꦤ꧀ꦱꦶꦏ꧀ꦭꦺꦴꦥꦺꦝꦶꦏꦥꦶꦁꦥꦶꦱꦤꦢꦶꦁꦒꦺꦴꦢꦺꦤꦶꦁPaul Scalich꧈ꦱꦮꦶꦗꦶꦤꦶꦁꦥꦤꦸꦭꦶꦱ[[ꦗꦺꦂꦩꦤ]]ꦲꦶꦁꦠꦲꦸꦤ꧑꧕꧕꧙꧉ꦨꦤ꧀ꦗꦸꦂꦥ꦳ꦶꦭ꧀ꦱꦸꦥ꦳꧀[[ꦆꦁꦒꦿꦶꦱ꧀]]Francis Baconꦲꦶꦁꦲꦮꦭꦲꦧꦢꦏꦥꦶꦁꦥꦶꦠꦸꦭꦱꦔꦁꦒꦺꦴꦠꦼꦩ꧀ꦧꦸꦁꦲꦶꦏꦶꦲꦶꦁꦠꦼꦒꦼꦱ꧀ꦩꦺꦴꦝꦺꦫ꧀ꦤ꧀꧉
ꦟꦔꦶꦁꦏꦺꦴꦤ꧀ꦱꦺꦥ꧀ꦠꦼꦩ꧀ꦧꦸꦁꦌꦤ꧀ꦱꦶꦏ꧀ꦭꦺꦴꦥꦺꦝꦶꦭꦒꦶꦢꦶꦁꦒꦺꦴꦲꦶꦁꦥꦔꦼꦂꦠꦺꦤꦏꦪꦱꦶꦏꦶꦱꦮꦶꦱꦺꦢꦶꦠꦼꦥꦸꦔꦏꦺꦢꦺꦤꦶꦁDenis Diderot꧈ꦱꦮꦶꦗꦶꦤꦶꦁꦥꦤꦸꦭꦶꦱꦭꦤꦥ꦳ꦶꦭ꧀ꦱꦸꦥ꦳[[ꦦꦿꦤ꧀ꦤꦶꦱ꧀]]ꦲꦸꦒꦔꦁꦒꦺꦴꦠꦼꦩ꧀ꦧꦸꦁꦲꦶꦏꦶꦏꦁꦒꦺꦴꦩꦺꦤꦺꦲꦶꦗꦼꦤꦼꦁꦥꦿꦺꦴꦪꦺꦏ꧀ꦱꦶꦁꦭꦒꦶꦢꦶꦒꦫꦥꦏꦫꦺꦴꦝꦺꦮꦺꦏꦺ꧉
ꦦꦫꦺꦴꦪꦺꦏꦺꦱꦶꦁꦲꦸꦒꦧꦶꦱꦢꦶꦲꦫꦤꦶꦥꦿꦺꦴꦪꦺꦏ꧀ꦲꦧꦢꦏꦥꦶꦁꦮꦺꦴꦭꦸꦭꦱ꧀ꦲꦶꦏꦶꦱꦸꦮꦺꦤꦺꦲꦤ:꧓꧐:ꦠꦲꦸꦤ꧀꧈ꦱꦏꦠꦲꦸꦤ꧀꧑꧗꧕꧐-꧑꧗꧘꧐꧉ꦢꦺꦴꦤ꧀ꦥꦿꦺꦴꦪꦺꦏꦲꦶꦏꦶꦏꦁꦒꦺꦴꦤꦸꦭꦶꦱꦱꦼꦕꦫꦱꦶꦱ꧀ꦠꦺꦩꦠꦶꦱꦏꦧꦺꦃꦏꦮꦿꦸꦃꦱꦶꦁꦢꦶꦔꦼꦂꦠꦺꦤꦶꦏꦧꦺꦃꦲꦸꦩꦠꦩꦤꦸꦁꦱ꧉
ꦲꦶꦁ[[ꦧꦱꦦꦿꦤ꧀ꦤꦶꦱ꧀]]ꦌꦤ꧀ꦱꦶꦏ꧀ꦭꦺꦴꦥꦺꦝꦶꦢꦶꦢꦺꦫꦺꦴꦠꦲꦶꦏꦶꦢꦶꦫꦤꦶ:Encyclopédie ou Dictionnaire raisonné des sciences, des arts et des métiers꧈ꦠꦼꦒꦼꦱꦺ꧌ꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦸꦠꦮꦏꦩꦸꦱꦱꦶꦁꦲꦤꦕꦠꦼꦠꦤꦺꦥꦿꦏꦫꦱꦶꦤ꧀ꦱ꧀꧈ꦱꦼꦤꦶ꧈ꦭꦤꦥꦏꦂꦪꦤ꧍.
ꦌꦤ꧀ꦱꦶꦏ꧀ꦭꦺꦴꦥꦺꦝꦶꦗꦩꦤꦑ꧀ꦭꦱꦶꦏꦲꦶꦁꦡꦤꦃꦗꦮ
ꦌꦤ꧀ꦱꦶꦏ꧀ꦭꦺꦴꦥꦺꦝꦶꦱꦶꦁꦥꦭꦶꦁꦠꦸꦮꦲꦶꦁꦡꦤꦃꦗꦮꦲꦶꦏꦸꦲꦱꦭꦺꦱꦏꦧꦸꦢꦪꦗꦮ-ꦲꦶꦤ꧀ꦝꦸꦭꦤꦢꦶꦠꦸꦭꦶꦱꦲꦶꦁ[[ꦧꦱꦗꦮꦑꦸꦤ]]꧉ꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦶꦏꦶꦢꦶꦲꦫꦤꦶ[[ꦖꦤ꧀ꦠꦏꦦꦂꦮ]]ꦭꦤꦲꦶꦱꦶꦤꦺꦮꦼꦂꦤ-ꦮꦼꦂꦤꦏꦮꦿꦸꦃꦔꦺꦭ꧀ꦩꦸꦱꦶꦤ꧀ꦱ꧀ꦭꦤꦕꦫꦶꦠ-ꦕꦫꦶꦠꦩꦶꦠꦺꦴꦭꦺꦴꦒꦶꦏꦫꦺꦴꦮꦶꦫꦕꦫꦶꦠ꧉ꦩꦧꦺꦴꦏ꧀ꦩꦼꦤꦮꦭꦪꦁꦖꦤ꧀ꦠꦏꦦꦂꦮꦲꦶꦏꦶꦢꦶꦠꦸꦭꦶꦱꦲꦶꦁꦲꦧꦢ꧀ꦏꦥꦶꦁꦱꦔꦩꦱꦺꦲꦶ꧉
ꦯꦭꦶꦪꦤꦺꦖꦤ꧀ꦠꦏꦦꦂꦮ꧈ꦭꦪꦁ[[ꦖꦤ꧀ꦢꦑꦶꦫꦤ]]ꦱꦶꦁꦲꦱꦭꦺꦏꦸꦫꦁꦭꦸꦮꦶꦃꦱꦏꦗꦩꦤ꧀ꦱꦶꦁꦥꦝꦸꦒꦥꦤ꧀ꦠꦼꦱ꧀ꦢꦶꦱꦼꦧꦸꦠ꧀ꦤꦺꦁꦏꦺꦤꦺ꧉ꦟꦔꦶꦁꦖꦤ꧀ꦢꦑꦶꦫꦤꦱꦗꦠꦶꦤꦺꦭꦸꦮꦶꦃꦲꦏꦺꦃꦤꦸꦝꦸꦲꦶꦕꦶꦫꦶ-ꦕꦶꦫꦶꦏ꦳ꦱ꧀ꦏꦩꦸꦱꦏꦠꦶꦩ꧀ꦧꦁꦌꦤ꧀ꦱꦶꦏ꧀ꦭꦺꦴꦥꦺꦝꦶ꧉ꦭꦪꦁꦖꦤ꧀ꦢꦑꦶꦫꦤꦲꦶꦏꦶꦲꦱꦭꦺꦱꦏꦧꦸꦢꦪꦨꦸꦝ-ꦗꦮ꧉
ꦨꦤ꧀ꦗꦸꦂꦲꦶꦁꦗꦩꦤ꧀ꦥꦱ꧀ꦤ-ꦲꦶꦤ꧀ꦝꦸꦲꦸꦠꦮꦗꦩꦤ꧀[[ꦆꦱ꧀ꦭꦩ]]ꦗꦮ꧈ꦲꦤ꧀ꦠꦫꦲꦧꦢ꧀ꦏꦥꦶꦁ-꧑꧖ꦔꦤ꧀ꦠꦶꦲꦧꦢ꧀ꦏꦥꦶꦁ-꧑꧘꧈ꦩꦸꦤ꧀ꦤꦸꦭ꧀ꦲꦏꦺꦃꦏꦂꦪ-ꦏꦂꦪꦱꦱ꧀ꦠꦿꦱꦶꦁꦱꦗꦠꦶꦤꦺꦢꦸꦢꦸꦢꦶꦏꦉꦥꦏꦺꦢꦢꦶꦌꦤ꧀ꦱꦶꦏ꧀ꦭꦺꦴꦥꦺꦝꦶ꧈ꦤꦔꦶꦁꦲꦱꦶꦥ꦳ꦠꦌꦤ꧀ꦱꦶꦏ꧀ꦭꦺꦴꦥꦺꦝꦶꦏ꧀꧉ꦨꦸꦏꦸ-ꦧꦸꦏꦸꦱꦶꦁꦢꦶꦏꦉꦥꦏꦺꦲꦶꦏꦶꦪꦶꦏꦸ[[ꦯꦼꦫꦠꦖꦼꦤ꧀ꦛꦶꦤꦶ]]꧈ꦭꦤ[[ꦯꦺꦫꦠꦖꦧꦺꦴꦭꦁ]]꧉
ꦨꦸꦏꦸ-ꦧꦸꦏꦸꦲꦶꦏꦶꦲꦶꦱꦶꦤꦺꦕꦫꦶꦠꦱꦶꦱ꧀ꦮꦭ꧀ꦭꦤ꧀ꦱꦶꦤꦸꦲꦶꦁꦔꦼꦤ꧀ꦢꦶ-ꦔꦼꦤ꧀ꦢꦶ꧉ꦲꦶꦁꦱꦧꦼꦤꦥꦥꦤꦱꦶꦁꦢꦶꦲꦩ꧀ꦥꦶꦫꦶ꧈ꦱꦶꦱ꧀ꦮꦲꦶꦏꦶꦱꦶꦤꦸꦥꦿꦏꦫ-ꦥꦿꦏꦫꦲꦚꦂ꧉ꦨꦸꦏꦸ-ꦧꦸꦏꦸꦲꦶꦏꦶꦏꦼꦉꦥ꧀ꦏꦤ꧀ꦢꦼꦭꦺꦔꦤ꧀ꦠꦶꦥꦶꦫꦁ-ꦥꦶꦫꦁꦗꦶꦭꦶꦢ꧀꧉ꦮꦶꦮꦶꦠꦤꦺꦥꦤ꧀ꦤꦺꦤ꧀ꦢꦶꦠꦼꦔꦼꦫꦶꦥꦔ꧀ꦭꦸꦩ꧀ꦥꦸꦏꦤꦏꦂꦪ-ꦏꦂꦪꦧꦧ꧀ꦏꦧꦺꦃꦗꦶꦤꦶꦱ꧀ꦏꦮꦿꦸꦃꦱꦶꦁꦢꦶꦫꦁꦏꦺꦢꦢꦶꦱꦶꦗꦶ꧉
ꦨꦤ꧀ꦗꦸꦂꦲꦶꦁꦠꦼꦔꦲꦺꦲꦧꦢ꧀ꦏꦥꦶꦁ-꧑꧙꧈ꦱꦁꦥꦸꦗꦁꦒ[[ꦑꦱꦸꦤꦤꦤꦯꦸꦫꦏꦂꦠ]]꧈ꦑꦶ[[ꦫꦁꦒꦮꦂꦱꦶꦠ]]ꦤꦸꦭꦶꦱꦱꦮꦶꦗꦶꦤꦶꦁꦏꦂꦪꦱꦱ꧀ꦠꦿꦱꦶꦁꦗꦺꦤꦺꦁꦭꦪꦁ[[ꦦꦸꦱ꧀ꦠꦏꦫꦗꦦꦸꦂꦮ]]꧉ꦲꦏꦺꦃꦮꦺꦴꦁꦱꦶꦁꦔ꧀ꦒꦤ꧀ꦢꦿꦸꦔꦶꦧꦸꦏꦸꦲꦶꦏꦶ꧉ꦲꦶꦱꦶꦤꦺꦥꦼꦂꦏꦫꦮꦼꦂꦤ-ꦮꦼꦂꦤꦕꦫꦶꦠꦧꦧ꧀ꦱꦺꦗꦫꦃꦫꦠꦸ-ꦫꦠꦸꦗꦩꦤꦏꦸꦤꦭꦤꦭꦶꦪ-ꦭꦶꦪꦤꦺ꧉ꦖꦫꦶꦠ-ꦕꦫꦶꦠꦲꦶꦏꦶꦢ꧀ꦩꦶꦠꦸꦫꦸꦠ꧀ꦕꦫꦏꦿꦺꦴꦤꦺꦴꦭꦺꦴꦒꦶꦱ꧀ꦢꦺꦤꦶꦁꦑꦶꦫꦁꦒꦮꦂꦱꦶꦠ꧉ꦩꦭꦲꦤ꧀ꦱꦮꦶꦱꦺꦑꦶꦫꦁꦒꦮꦂꦱꦶꦠꦲꦺꦴꦫꦤꦼꦫꦸꦱꦏꦺꦕꦫꦶꦠꦲꦶꦏꦶ꧈ꦲꦤꦮꦺꦴꦁ-ꦮꦺꦴꦁꦭꦶꦪꦱꦶꦁꦤꦺꦫꦸꦱꦏꦺ꧉
ꦑꦸꦫꦁꦭꦸꦮꦶꦃꦮꦏ꧀ꦠꦸꦤꦺꦥꦝꦏꦫꦺꦴꦫꦁꦒꦮꦂꦱꦶꦠ꧈ꦲꦤꦲꦸꦒꦱꦮꦶꦪꦱꦶꦁꦲꦱꦶꦥ꦳ꦠꦌꦤ꧀ꦱꦶꦏ꧀ꦭꦺꦴꦥꦺꦝꦶꦏ꧀ꦲꦶꦁ[[ꦯꦸꦫꦏꦂꦠ]]ꦢꦺꦤꦶꦁꦑꦶ[[ꦦꦢ꧀ꦩꦯꦸꦱꦱ꧀ꦠꦿ]]꧌ꦮꦶꦫꦦꦸꦱ꧀ꦠꦏ꧍꧉ꦑꦶꦠꦧ꧀ꦲꦶꦏꦶꦢꦺꦤꦶꦁꦑꦶꦦꦢ꧀ꦩꦯꦸꦱꦱ꧀ꦠꦿꦢꦶꦥꦫꦶꦔꦶꦗꦺꦤꦺꦁ[[ꦨꦮꦸꦮꦂꦤ]]꧉ꦑꦂꦪꦤꦺꦲꦶꦏꦶꦮꦶꦱ꧀ꦲꦱꦶꦥ꦳ꦠ꧀ꦩꦺꦴꦝꦺꦫ꧀ꦤ꧀꧈ꦲꦩꦂꦒꦧꦲꦤ꧀-ꦧꦲꦤ꧀ꦱꦶꦁꦢꦶꦧꦲꦱ꧀ꦭꦤ꧀ꦢꦶꦩꦺꦴꦠ꧀ꦲꦶꦁꦧꦸꦏꦸꦤꦺꦢꦶꦱꦸꦱꦸꦤ꧀ꦩꦶꦠꦸꦫꦸꦠ꧀ꦲꦧ꧀ꦗꦢ꧀꧉ꦩꦸꦭꦏꦫꦺꦴꦏꦶꦠꦧꦨꦮꦸꦮꦂꦤꦲꦶꦏꦶꦲꦮꦏꦺꦝꦺꦮꦺꦮꦶꦱ꧀ꦠꦼꦏꦤꦲꦶꦁꦌꦫꦩꦺꦴꦝꦺꦫ꧀ꦤ꧀ꦭꦤ꧀ꦤꦸꦠꦸꦥ꧀ꦌꦫꦏ꧀ꦭꦱꦶꦏ꧀꧉
ꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦶꦁꦡꦤꦃꦗꦮꦲꦶꦁꦩꦱꦱꦶꦏꦶ
ꦮꦺꦴꦁ-ꦮꦺꦴꦁꦗꦮꦱꦶꦁꦮꦶꦱ꧀ꦱꦠꦮꦸꦱꦶꦤꦸꦭꦤ꧀ꦲꦺꦴꦭꦺꦃꦥꦺꦤ꧀ꦝꦶꦝꦶꦏꦤꦏꦺꦴꦭꦺꦴꦤꦶꦭ꧀[[ꦮꦭꦤ꧀ꦢ]]꧈ꦮꦶꦮꦶꦠ꧀ꦥꦸꦁꦏꦱꦤꦺꦲꦴꦧꦢ꧀ꦏꦥꦶꦁ-:꧑꧙:ꦭꦤ꧀ꦲꦮꦭ꧀ꦏꦥꦶꦁ-:꧒꧐:ꦢꦢꦶꦏꦠꦫꦶꦏ꧀ꦏꦫꦺꦴꦆꦝꦺꦭꦤ꧀ꦒꦪꦥꦩꦶꦏꦶꦫꦤ꧀[[ꦢꦺꦴꦚꦮꦺꦠꦤ꧀]]꧉ꦨꦤ꧀ꦗꦸꦂꦏꦂꦪ-ꦏꦂꦪꦱꦶꦁꦲꦱꦶꦥ꦳ꦠꦌꦤ꧀ꦱꦶꦏ꧀ꦭꦺꦴꦥꦺꦝꦶꦏ꧀ꦲꦸꦒꦢꦶꦠꦸꦭꦶꦱ꧀꧈ꦤꦔꦶꦁꦱꦶꦏꦶꦲꦺꦴꦫꦔꦁꦒꦺꦴꦧꦱꦗꦮꦩꦤꦺꦃꦤꦔꦶꦁꦔꦁꦒꦺꦴ[[ꦧꦱꦆꦤ꧀ꦢꦺꦴꦤꦺꦱꦶ]]꧉ꦌꦤ꧀ꦱꦶꦏ꧀ꦭꦺꦴꦥꦺꦝꦶꦗꦁꦏꦺꦥ꧀ꦲꦶꦁꦧꦱꦆꦤ꧀ꦢꦺꦴꦤꦺꦱꦶꦭꦒꦶꦩꦸꦤ꧀ꦤꦸꦭ꧀ꦲꦶꦁꦠꦲꦸꦤ꧀꧑꧙꧕꧓꧈ꦱꦮꦶꦱꦺꦤꦒꦫꦆꦤ꧀ꦢꦺꦴꦤꦺꦱꦶꦢꦶꦥꦿꦺꦴꦏ꧀ꦭꦩꦱꦺꦏꦏꦺ꧈ꦪꦶꦏꦸ[[ꦌꦤ꧀ꦱꦶꦏ꧀ꦭꦺꦴꦥꦺꦝꦶꦆꦤ꧀ꦢꦺꦴꦤꦺꦱꦶ]]꧉
ꦲꦶꦁꦗꦩꦤꦥꦱ꧀ꦤꦦꦿꦺꦴꦏ꧀ꦭꦩꦱꦶꦑꦩꦂꦢꦶꦏꦤ꧀ꦆꦤ꧀ꦢꦺꦴꦤꦺꦱꦶ꧈ꦲꦸꦠꦩꦤꦺꦱꦶꦏꦶꦲꦶꦏꦶ꧈ꦌꦤ꧀ꦱꦶꦏ꧀ꦭꦺꦴꦥꦺꦝꦶꦱꦶꦁꦩꦶꦱꦸꦮꦸꦂꦝꦺꦮꦺꦲꦤ꧀ꦠꦫꦭꦶꦪꦪꦶꦏꦸꦌꦤ꧀ꦱꦶꦏ꧀ꦭꦺꦴꦥꦺꦝꦶꦆꦤ꧀ꦢꦺꦴꦤꦺꦱꦶꦱꦶꦁꦮꦶꦱ꧀ꦏꦱꦺꦧꦸꦠ꧀ꦲꦶꦁꦤ꧀ꦝꦸꦮꦸꦂ꧉ꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦶꦏꦶꦕꦕꦲꦺꦲꦤ:꧑꧘:ꦗꦶꦭꦶꦢ꧀꧉ꦨꦤ꧀ꦗꦸꦂꦲꦶꦁꦢꦱꦮꦂꦱꦥꦸꦁꦏꦱꦤ꧀ꦲꦧꦢꦏꦥꦶꦁ-꧒꧐:ꦲꦸꦒꦢꦢꦶꦲꦤꦌꦤ꧀ꦱꦶꦏ꧀ꦭꦺꦴꦥꦺꦝꦶꦱꦶꦁꦲꦝꦺꦝꦱꦂꦲꦒꦩ[[ꦆꦱ꧀ꦭꦩ]]ꦭꦤ꧀ꦢꦶꦲꦫꦤꦶ[[ꦌꦤ꧀ꦱꦶꦏ꧀ꦭꦺꦴꦥꦺꦝꦶꦆꦱ꧀ꦭꦩꦆꦤ꧀ꦢꦺꦴꦤꦺꦱꦶ]]꧉ꦯꦭꦃꦱꦶꦗꦶꦤꦺꦱꦶꦁꦚꦸꦱꦸꦤꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦶꦏꦶꦪꦕꦺꦤ꧀ꦢꦺꦏꦶꦮꦤꦩꦸꦱ꧀ꦭꦶꦩꦩꦶꦱꦸꦮꦸꦂProf. Dr. Nurcholish Madjidꦲꦸꦠꦮꦖꦏ꧀ꦟꦸꦂ꧉
ꦨꦤ꧀ꦗꦸꦂꦲꦸꦒꦲꦤꦌꦤ꧀ꦱꦶꦏ꧀ꦭꦺꦴꦥꦺꦝꦶꦱꦶꦁꦲꦝꦺꦝꦱꦂꦲꦗꦫꦤꦲꦒꦩ[[ꦑꦠꦸꦭꦶꦏ]]ꦭꦤ꧀ꦢꦶꦲꦫꦤꦶ[[ꦌꦤ꧀ꦱꦶꦏ꧀ꦭꦺꦴꦥꦺꦝꦶꦓꦺꦫꦺꦗ]]ꦱꦶꦁꦢꦶꦠꦸꦭꦶꦱ꧀ꦢꦺꦤꦶꦁAdolf Heuken S.J.꧉
ꦯꦭꦶꦪꦤꦺꦲꦶꦏꦸꦲꦸꦒꦲꦤꦥꦶꦫꦁ-ꦥꦶꦫꦁꦌꦤ꧀ꦱꦶꦏ꧀ꦭꦺꦴꦥꦺꦝꦶ-ꦌꦤ꧀ꦱꦶꦏ꧀ꦭꦺꦴꦥꦺꦝꦶꦕꦶꦭꦶꦏ꧀ꦱꦶꦁꦲꦺꦴꦫꦥꦠꦶꦪꦮꦶꦒꦠꦶꦭꦤꦱꦗꦠꦶꦤꦺꦲꦶꦏꦸꦥꦼꦂꦠꦭꦤꦱꦏꦧꦱ-ꦧꦱꦲꦱꦶꦁ꧉ꦨꦶꦪꦱꦤꦺꦌꦤ꧀ꦱꦶꦏ꧀ꦭꦺꦴꦥꦺꦝꦶ-ꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦶꦏꦶꦪꦌꦤ꧀ꦱꦶꦏ꧀ꦭꦺꦴꦥꦺꦝꦶ-ꦌꦤ꧀ꦱꦶꦏ꧀ꦭꦺꦴꦥꦺꦝꦶꦏꦁꦒꦺꦴꦧꦺꦴꦕꦃ꧉
ꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦶꦁꦩꦱꦔꦉꦥ꧀
ꦨꦉꦔꦏꦫꦺꦴꦩꦸꦤ꧀ꦤꦸꦭꦺ'ꦫꦺꦥ꦳ꦺꦴꦭꦸꦱꦶꦆꦤ꧀ꦥ꦳ꦺꦴꦂꦩꦱꦶꦢꦶꦒꦶꦠꦭ꧀'꧈ꦩꦸꦭꦲꦸꦒꦩꦸꦤ꧀ꦤꦸꦭꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦶꦁꦧꦼꦤ꧀ꦠꦸꦏ꧀ꦥꦼꦫꦁꦏꦠ꧀ꦭꦸꦤꦏ꧀꧌software꧍ꦲꦶꦁꦲꦺꦤ꧀ꦢꦶꦏꦧꦺꦃꦌꦤ꧀ꦠꦿꦶꦲꦸꦠꦮꦭꦺꦩ꧀ꦩꦧꦶꦱꦒꦩ꧀ꦥꦁꦢꦶꦒꦺꦴꦭꦺꦏꦶ꧉ꦯꦭꦃꦱꦶꦗꦶꦕꦺꦴꦤ꧀ꦠꦺꦴꦤꦺꦲꦶꦏꦸEncarta꧈ꦌꦤ꧀ꦱꦶꦏ꧀ꦭꦺꦴꦥꦺꦝꦶꦮꦼꦠꦺꦴꦤꦤMicrosoft꧉ꦲꦶꦁꦠꦲꦸꦤ꧒꧐꧐꧑ꦩꦸꦤ꧀ꦤꦸꦭ꧀ꦱꦮꦶꦗꦶꦤꦶꦁꦌꦤ꧀ꦱꦶꦏ꧀ꦭꦺꦴꦥꦺꦝꦶon-lineꦲꦶꦁꦆꦤ꧀ꦠꦼꦂꦤꦺꦠ꧀ꦱꦶꦁꦧꦶꦱꦢꦶꦲꦺꦴꦮꦲꦶꦏꦫꦺꦴꦢꦶꦠꦩ꧀ꦧꦲꦶꦏꦧꦺꦃꦮꦺꦴꦁ꧉ꦌꦤ꧀ꦱꦶꦏ꧀ꦭꦺꦴꦥꦺꦝꦶꦲꦶꦏꦶꦠꦶꦧꦏ꧀ꦤꦺꦱꦸꦏ꧀ꦱꦺꦱꦧꦔꦼꦠꦭꦤꦢꦶꦫꦤꦶ[[ꦮꦶꦏꦶꦥꦺꦢꦶꦪ]]꧉ꦮꦶꦏꦶꦥꦺꦢꦶꦪꦧꦶꦱꦱꦸꦏ꧀ꦱꦺꦱꦲꦺꦴꦫꦩꦸꦁꦲꦩꦂꦒꦧꦶꦱꦢꦶꦲꦺꦴꦮꦲꦶꦏꦧꦺꦃꦮꦺꦴꦁꦤꦔꦶꦁꦴꦩꦂꦒꦲꦸꦒꦢꦶꦱꦗꦺꦏꦏꦺꦲꦶꦁꦏꦧꦺꦃꦧꦱ꧈ꦲꦸꦒꦏꦭꦺꦧꦸꦧꦱꦗꦮ꧉
ꦌꦤ꧀ꦱꦶꦏ꧀ꦭꦺꦴꦥꦺꦝꦶꦩꦶꦱꦸꦮꦸꦂꦲꦶꦁꦧꦱ-ꦧꦱꦭꦶꦪ
ꦲꦸꦒꦢꦼꦊꦔꦼꦤ
- [[ꦑꦩꦸꦱ꧊ꦑꦩꦸꦱ]]}}