Jago

Pitik jago yaiku sebutan kanggo pitik (Gallus gallus) diwasa kang lanang. Dene pitik wadon diarani babon.

Jago kang lagi kluruk

Pitik jago nduweni awak kang bedha lan ora tinemu ing pitik babon utawa kuthuk. Ciri iku mau ana nalika pitik lanang wis diwasa, kayata :

• Jengger kang luwih dawa/gedhe tinimbang babon
• Nduweni lancur, yaiku wulu buntut kang dawa
• Nduweni jalu, yaiku perangan lancip kaya balung utawa kuku kang thukul ing sikil
• Bisa kluruk

Jago nduweni sifat poligami, yaiku lanang siji kang bisa ngayahi pira-pira babon, nanging ora bisa angkrem. Nalikane awan, umume pitik jago methangkring ana ing papan kang dhuwur sacerake papanbabon padha angkrem, ngawasake sakiwa tengene lan bakal ngetokake suwara pratandha menawa ana bebaya.