'''Logam''' ([[basa Yunani]]: ''Metallon'') yakuwiyaiku sawijining [[unsur kimia]] kang siap mbentuk [[ion]] (kation) lan nduwèni [[ikatan logam]], lan kadhangkala dipratélakaké yèn mèmper karo kation ing awan elektron. Logam kuwi salah siji saka telu klompok unsur kang dibédakaké déning properti [[ionisasi]] lan [[ikatan]], bebarengan karo [[metaloid]] lan [[nonlogam]]. Jroning [[tabel périodik]], garis diagonal digambar saka [[boron]] (B) menyang [[polonium]] (Po) mbédakaké logam saka nonlogam. Unsur jroning garis iki yakuwiyaiku metaloid, kadhangkala disebut semi-logam; unsur ing kiwa ngisoré arupa logam; unsur sisih tengen dhuwur kuwi nonlogam.
Nonlogam luwih akèh tinemu ing alam tinimbang logam, nanging logam akèh ana ing tabel périodik. Sawetara logam misuwur yakuwiyaiku [[aluminium]], [[tembaga]], [[emas]], [[wesi]], [[timah]], [[perak]], [[titanium]], [[uranium]], lan [[zink]].
[[Alotrop]] logam kuwi kapara gilap, lembek, lan [[konduktor]] kang apik, déné nonlogam biasané rapuh (kanggo nonlogam [[padhet]]), ora gilap, lan [[insulator]].
