Doctor Who: Béda antara owahan
Konten dihapus Konten ditambahkan
Larik 21:
== Épisode Doctor Who ==
:Kanggo informasi tambahan mangga wacanen: [[Pratélan sérial Doctor Who]]
Doctor Who pisanané ditayangaké 26 musim lawasé ing stasiun TV BBC One saka 23 November 1963 nganti 6 Desember 1989. Awal-awalé saben épisode minggon iku bagéan sawijining crita utawa ''sérial'' sing kawangun saka padatané patang nganti nem bagéan. Banjur sawetara luwih suwé manèh, sawijining crita kawangun saka telung utawa patang épisode. Pangajaban sing bisa disebut yaiku sérial ''The Daleks' Master Plan'' sing kawangun saka 12 épisode, ''The War Games'' sing kawangun saka 10 épisode lan ''The Trial of a Time Lord'', sing kawangun saka 14 épisode (senadyan dipérang dadi telung kode prodhuksi lan patang alur crita sing séjé).
Acara iki maksudé supaya bisa dinèkmati sakulawarga lan ndarbèni amotan édukasi. Mula dijadwal tayang ing malem Minggu awal. Awal mulané épisodené silih ganti antara carita sing latar wuriné carita sajarah, sing ngajari para pamirsa prakara sajarah lan carita fiksi ngèlmiah, sing ngajari para pamirsa bab sains utawa fisika. Prakara iki uga katon ing pangiringé (''companion'') kapisan Sang Doktor; Ian Chesterton lan Barbara Wright. Ian iku guru fisika lan Barbara iku guru sajarah.
Nanging crita-crita fiksi ngèlmiah suwé-suwé dadi dominan lan crita-crita adhedhasar sajarah (''historicals''), sing sajatiné pancèn ora disenengi déning tim prodhuksi, dijabel babar pisan mawa épisode ''The Highlanders'' (1967).
Senadyan sètting crita sajarah isih panggah dienggo, padatané namung dienggo minangka latar wuri crita fiksi ngèlmiah, kajaba ing épisode ''Black Orchid'' sing kadadéan ing dasawarsa 1920-an ing Inggris.
Crita-crita awal iki mèmper crita sérial. Dadi alur crita siji manunggal karo crita sawisé. Senadyan mengkono saben épisode nduwé judhul dhéwé-dhéwé.
Sawisé sérial ''The Gunfighters'' (1966), saben épisode ora diwènèhi judhul dhéwé manèh, nanging namun diwènèhi nomor waé.
Antara para panulis acara TV iki, sing paling akèh nulis yaiku Robert Holmes kamangka sing kawentar dhéwé iku [[Douglas Adams]]. Douglas Adams iku misuwur sajabaning ''Doctor Who'' déning popularitas bukuné ''[[Hitchhiker's Guide to the Galaxy]]''.
== Réferènsi ==
| |||