School tot Opleiding van Indische Artsen: Béda antara owahan

Samar amarga kurangé juru kaséhatan kanggo ngadhepi wabah lelara sing saya akèh lan bebayani ing tlatah sing kajajah, Pamaréntah Hindia-Walanda banjur nggawé kursus juru kesehatan ing [[Indonésia]]. Tanggal 2 Januari 1849, diwetokaké Surat Keputusan Gubernemen no. 22 ngenani kursus kaséhatan, kanthi mapan ana ing Griya Sakit Militèr (saiki RSPAD Gatot Subroto) ing kawasan Weltevreden, [[Batavia]] (saiki Gambir lan saubengé)<ref name="nol"></ref>.

Tanggal 5 Juni 1853, kagiyatan kursus juru kesehatan saya maju, banjur liwat Surat Keputusan Gubernemen no. 10 dadi ''Sekolah Dokter Djawa'', kanthi suwene telung taun. Lulusané nduweni gelar "Dokter Djawa", nanging luwih akeh sing dadi mantri cacar<ref name="siji">[http://www.berdikarionline.com/sisi-lain/20120421/stovia-kisah-sekolah-dokter-gratis-di-jaman-kolonial.html]</ref>.

Sabanjuré Sekolah Dokter Djawa saya maju lan kuriulumé uga saya tumata. Taun 1889 jenengé diganti dadi ''School tot Opleiding van Inlandsche Geneeskundigen'' (utawa Sekolah Pendidikan Ahli Ilmu Kedokteran Pribumi), banjur taun 1898 dirubah maneh dadi ''School tot Opleiding van Inlandsche Artsen'' (utawa Sekolah Dokter Pribumi). Akhiré taun 1913, tembung ''Inlandsche'' (pribumi) dirubah dadi ''Indische'' (Hindia) amarga sekolah iki banjur dibuka kanggo sapa wae, kalebu penduduk keturunan "[[Timur Asing]]". Tuladhané penduduk keturunan Tionghoa, Arab,India lan Eropa<ref name="siji"></ref>.

Jeneng STOVIA tetep digunakaké nganti tanggal 9 Agustus 1927, yaiku nalika pendidikan dokter resmi ditetapaké dadi pendidikan tinggi, kanthi jeneng ''Geneeskundige Hoogeschool'' (utawa Sekolah Tinggi Kedokteran). Nalika penjajahan Jepang dirubah dadi ''Ika Daigaku'' (Sekolah Kedokteran) lan ''Perguruan Tinggi Kedokteran Republik Indonesia'' nalika nembe mardika. Awit 2 Februari 1950, Pemerintah Republik Indonesia ngrubah dadi [[Universitas Indonesia|Fakultas Kedokteran Universitas Indonesia]], nganti tekan saiki<ref name="siji"></ref>.