Ubarampe Sedhekah Bumi: Béda antara owahan

Konten dihapus Konten ditambahkan
Kaca énggal: '''Ubarampé Sedhekah Bumi''', ing saklebetipun upacara sedhekah bumi ing Kabupatèn Blora, kedah wonten ubarampénipun utawa panganan kang ana ing sajroné sedhekah bumi. Panganan ...
(Ora ana béda)

Révisi kala 18 Novèmber 2012 02.51

Ubarampé Sedhekah Bumi, ing saklebetipun upacara sedhekah bumi ing Kabupatèn Blora, kedah wonten ubarampénipun utawa panganan kang ana ing sajroné sedhekah bumi. Panganan iki ugi kang biasa diagem ing upacara tradhisi sedhekah bumi.

Pasung

Pasung

Bahan ingkang dipunginaaken inggih punika:

  • Gendhis pethak ugi saged gendhis jawa
  • Tepung terigu
  • Tepung kanji
  • Tape ketan
  • Kist /pengembang
  • Beras
  • Sarem
  • Godhong gedhang

Caranipun damel inggih punika sedaya bahan punika dipuncampur lajeng dipunubleg ngantos ngembang lan kalis. Lajeng godhong gedhang dipunbentuk dados conthongan. Sak sampunipun dipunkukus ing dandang kanthi tatakan wakul ingkang dipunsingget kaliyan sada.

 
Bugis

Bugis

Bahan kanggé damel kulitipun:

  • Tepung ketan, saged ketan pethak ugi saged ketan cemeng
  • Santen
  • Sarem

Bahan kanggé damel entèn – entèn:

  • Klapa enom utawi kacang ijem
  • Gendhis pethak
  • Sarem

Caranipun damel entèn – entèn inggih punika, klapa dipunparut. Lajeng dipunsangrai kaliyan gendhis ugi sarem ngantos boten lengket. Caranipun damel kulit inggih punika, santen dipungodhog lajeng dipunsiram wonten ing tepung ketan sekedhik – sekedhik ngantos rata lan kalis. Lajeng tepung punika kange mbuntel entèn – entèn ingkang sampun dipunbentuk bunder – bunder. Sak sampunipun entèn – entèn dipunbuntel nganggé tepungipun lajeng dipunbuntel ngangge godhong gedhang lajeng dipunkukus ngantos mateng.

 
Tape ketan

Tapé Ketan

Bahan ingkang dipunginaaken inggih punika:

  • Beras ketan
  • Ragi
  • Sarem
  • Godhong gedhang

Caranipun damel inggih punika, beras ketan punika dipunrendhem, dientas lajeng dipunkukus. Ngukusipun boten ngantos mateng, dipunsiram nganggé toya adhem, lajeng diumbaraken ngantos setengah jam. Sak sampunipun dipunkukus ngantos mateng. Dientas lajeng diumbaraké ngantos bener – bener adhem sanget. Lajeng dipuncampur kaliyan ragi, dipun buntel nganggé godhong gedhang lajeng dipunimbu ngantos kalih dinten.

 
Dumbeg

Dumbeg

Bahan – bahan ingkang dipunginaaken:

  • Gendhis jawa
  • Santen
  • Tepung kanji
  • Sarem
  • Jahe
  • Brambang
  • Janur

Caranipun damel inggih punika, santen dipungodhog ngantos kenthel. Sedaya bahan dipuncampur lajeng dipunsiram ngangge santen punika. Sak sampunipun nyampur sedaya ugi dipunisiaken wonten wadhahipun. Wadhahipun saking janur ingkang dipun bentuk kados corong. Sak sampunipun corong – corong janur sampun kaisi lajeg dipunkukus ngantos mateng.

Nagasari

Bahan – bahan ingkang dipunginakaken:

  • Tepung beras
  • Godhong gedhang
  • Santen
  • Sarem
  • Gedhang
  • Pewarna/sumbo

Caranipun damel inggih punika, tepung beras dikepel – kepel lajeng dipunkukus ngantos mateng. Sak sampunipun mateng lajeng dipunajuraken ing tampah. Santen dipungodhog lajeng dipun siramaken ing tepung sekedhik – sekedhik ugi dipuntambah kaliayan sumbo kangge warnaipun tepung. Lajeng gedhang punika dipunbuntel ngangge tepung punika lajeng dipunbuntel ngangge godhong gedhang. Lajeng dipun kukus ngantos mateng.