Blekok sawah: Béda antara owahan

Blekok sawah gadhah awak ingkangb ukuranipun alit antawis 45 cm. Menawi sampun saged berkembang biak, sirah, dhadha kuning tua. Gegeripun cemeng. Awak bageyan nginggil sanésipun coklat coret-coret. Awak bagéyan ngandhap pethak. Nalika miber sayapipun katingal kontras sanget kaliyan gigiripun ingkang cemeng. Nalika taksih eném, coklat coret-coret. Iris kuning, cucuk kuning, pucuk cucuk cemeng, sukunipun semu ijo. Gesangipun piyambakan utawi wonten ingkang kelompok ingkang kasebar. Nalika jumeneng kanthi posisi andhap, sirahipun dipuntarik, nunggu mangsanipun. Saben sonten miber tumuju ing papan dunungipun. Sarangipun wonten ing kelompok kaliyan manuk sanésipun. Sarangipun saking pang wit-witan .<ref>[http://bio.undip.ac.id/sbw/spesies/sp_blekok_sawah.htm]</ref>

Éwadéné manuk punika asring dipunpanggihaken saha kanthi cacahi ingkang kathah, ananging boten nutup kamungkinan bilih jinis punika badhé tinemu ing kapunahan. panyebabipun saged amargi panyebab ingkang langsung punapa déné mboten langsung. Wontenipun perburuan liar ingkang boten ngetang wekdal, cacah, saha papan, tamtu kémawon badhé dados ancaman ingkang ageng.Panyebab sanésipun kadosta bahan-bahan kimia wonten ing sawah-sawah. Migunakaken pestisida umpaminipun, saged paring dampak ingkang awon kanthi boten langsung dhumateng reproduksi manuk mliginipun blekok sawah.<ref>[http://bio.undip.ac.id/sbw/spesies/sp_blekok_sawah.htm]</ref>

Babagan punika tamtu boten luput saking manéka jinis [[manuk]] ingkang sakmenika sampun kirang cacahipun, déné wonten ingkang meh punah, saéngga sampun rekaos anggénipu manggihaken wojten ing alam punika. Pesthi wonten ugi kedhah nindakaken program saperlu nglindhungi habita [[manuk]], mliginipun kedah njagi lingkungan, saéngga saged nylametaken saha nglestantunaken manéka jinis [[manuk]], mliginipun ingkang wonten ing sawah, kadosta manuk blekok punika.<ref>[http://bio.undip.ac.id/sbw/spesies/sp_blekok_sawah.htm]</ref>